പാകിസ്ഥാനെ ലോകകപ്പില് നിന്ന് ഒഴിവാക്കണമെന്ന ബിസിസിഐ ആവശ്യം
ഇന്റര് നാഷണല് ക്രിക്കറ്റ് കൗണ്സില് തള്ളി. ബോര്ഡിന് ക്രിക്കറ്റ് കാര്യങ്ങളില് മാത്രമേ നിലപാടെടുക്കാന് കഴിയുകയുള്ളുവെന്നും ഐസിസി വ്യക്തമാക്കി.
തീവ്രവാദത്തെ പ്രോത്സാഹിപ്പിക്കുന്ന രാജ്യങ്ങളുമായുളള ബന്ധം അവസാനിപ്പിക്കണമെന്നാവശ്യപ്പെട്ട് ബിസിസിഐ നല്കിയ കത്ത്, ചര്ച്ച ചെയ്യാനാകില്ലെന്ന് ഐസിസി ബോര്ഡ് യോഗത്തില് ശശാങ്ക് മനോഹര് ആണ് നിലപാടെടുത്തത്.
കളിക്കാരുടെ സുരക്ഷ ഉറപ്പാക്കാന് പര്യാപ്തമായ നടപടികളെല്ലാം സ്വീകരിച്ചിട്ടുണ്ടെന്നും ഐസിസി ബിസിസിഐക്ക് ഉറപ്പ് നല്കി. ബിസിസിഐ പ്രതിനിധിയായി യോഗത്തില് പങ്കെടുത്ത അമിതാഭ് ചൗധരി മൗനം പാലിച്ചതും ശ്രദ്ധേയമായി. അതേസമയം ഐസിസി വഴങ്ങില്ലെന്ന് ഉറപ്പായതോടെ പാകിസ്ഥാനെതിരായ ലോകകപ്പ് മത്സരം ബഹിഷ്കരിക്കുന്ന കാര്യത്തില് കേന്ദ്രസര്ക്കാര് നിലപാട് നിര്ണായകമാകും.
Discussion about this post