Thursday, September 18, 2025
  • About Us
  • Contact Us
No Result
View All Result
ബ്രേവ് ഇന്ത്യ ന്യൂസ്
  • News
    • Kerala
    • India
    • International
      • Gulf
      • USA
      • UK
      • Africa
    • Editorial
  • Defence
  • Entertainment
  • Sports
  • Article
  • Tech
  • Culture
  • Business
  • Video
  • ​
    • Health
    • Science
    • Lifestyle
    • Literature
    • Travel
    • Auto
    • Offbeat
Brave India News
  • News
    • Kerala
    • India
    • International
      • Gulf
      • USA
      • UK
      • Africa
    • Editorial
  • Defence
  • Entertainment
  • Sports
  • Article
  • Tech
  • Culture
  • Business
  • Video
  • ​
    • Health
    • Science
    • Lifestyle
    • Literature
    • Travel
    • Auto
    • Offbeat
Brave India News
No Result
View All Result
Home Sports Football

ഇവാന്റെ പടിയിറക്കം; ഞെട്ടലോടെ ആരാധകർ

by Brave India Desk
Apr 27, 2024, 04:56 pm IST
in Football, Sports
Share on FacebookTweetWhatsAppTelegram

ടീമിന് തന്ത്രങ്ങൾ പറഞ്ഞു കൊടുക്കാൻ മഞ്ഞപ്പടയുടെ സ്വന്തം ആശാൻ അടുത്ത സീസണിൽ ഉണ്ടാകില്ലെന്ന സത്യം അംഗീകരിക്കാൻ ബ്ലാസ്റ്റേഴ്‌സ് ആരാധകർക്ക് ഇതുവരെ കഴിഞ്ഞിട്ടില്ല. സെർബിയക്കാരനായ ഇവാൻ വുകമനോവിച്ചിനെ ബ്ലാസ്റ്റേഴ്സ് ആരാധകർ അത്രത്തോളം നെഞ്ചേറ്റിയിരിന്നു. ഒരുപക്ഷേ, ക്ലബ്ബിന്റെ ചരിത്രത്തിൽ ഇത്രധികം ആഘോഷിക്കപ്പെട്ട മറ്റൊരു പരിശീലകൻ ഉണ്ടാകില്ല. കഴിഞ്ഞ നാല് വർഷമായി കേരള ബ്ലാസ്റ്റേഴ്‌സ് എന്നാൽ ആരാധകർക്ക് ഇവാൻ ആശാനായിരുന്നു. ടീമിലെ സൂപ്പർ താരങ്ങൾക്ക് പോലുമില്ലാത്ത ജനപ്രീതി. അതായിരുന്നു ഇവാൻ വുകമനോവിച്ചിനെ ഐഎസ്എല്ലിലെ മറ്റ് കോച്ചുകളിൽ നിന്ന് വ്യത്യസ്തനാക്കിയത്.

സെർബിയക്കാരനായ ഇവാൻ 2021ൽ പരിശീലന ചുമതല ഏറ്റെടുക്കുമ്പോൾ മുൻ സീസണുകളിലെ ദുരനുഭവങ്ങൾ കാരണം ബ്ലാസ്റ്റേഴ്‌സിന്റെ ലോയൽ ഫാൻസിന് പോലും വലിയ പ്രതീക്ഷയൊന്നും ഉണ്ടായിരുന്നില്ല. ഓരോ സീസണിലും പരിശീലകരെ മാറ്റി മാറ്റി പരീക്ഷിക്കുന്ന ബ്ലാസ്റ്റേഴ്‌സ് മാനേജ്മെന്റിന്റെ ഹോബി തന്നെയായിരുന്നു ഇതിന് പ്രധാന കാരണം. പുതിയ കോച്ചിൽ നിന്ന് ആദ്യ സീസണിൽ ആരും അത്ഭുതങ്ങൾ പ്രതീക്ഷിച്ചില്ലെന്ന് ചുരുക്കം. പോരാത്തതിന് കോവിഡ് കാലത്തെ ഗോവയിലെ അടച്ചിട്ട മൈതാനങ്ങളിലെ പോരാട്ടങ്ങളും ഐഎസ്എല്ലിന്റെ അവശേഷിച്ച ആവേശവും തല്ലിക്കെടുത്തി.

Stories you may like

ആദ്യം നടക്കില്ല പിന്നെ നടക്കും പിന്നെ നടക്കില്ല, ഒടുവിൽ പാകിസ്ഥാൻ- യുഎഇ മത്സരത്തിന്റെ കാര്യത്തിൽ തീരുമാനം; അപ്ഡേറ്റ് ഇങ്ങനെ

ഏഷ്യാ കപ്പിൽ ബാറ്റിംഗിൽ അവസരമില്ല, പിന്നാലെ സഞ്ജു സാംസണ് ഉണ്ടായത് വമ്പൻ നഷ്ടം; നേട്ടമുണ്ടാക്കി വരുൺ ചക്രവർത്തി

എന്നാൽ, ആദ്യ സീസണിൽ തന്നെ എല്ലാവരെയും ഞെട്ടിക്കുന്ന കോച്ചിംഗ് മികവാണ് പഴയ യൂഗോസ്ലാവിയയുടെ സമ്പന്ന ഫുട്ബോൾ പാരമ്പര്യം പേറുന്ന ഇവാൻ വുകമനോവിച്ച് പുറത്തെടുത്തത്. ആക്രമണ ഫുട്ബോളിനും പ്രതിരോധത്തിനും ഒരുപോലെ ഊന്നൽ നൽകുന്ന ശൈലി. മികവേറിയ വിദേശ താരങ്ങൾക്കൊപ്പം ഇന്ത്യൻ താരങ്ങളെ നല്ല രീതിയിൽ സംയോജിപ്പിക്കാൻ അദ്ദേഹത്തിനായി. ഇത് ബ്ലാസ്റ്റേഴ്‌സ് താരങ്ങളുടെ ആത്മവീര്യം ഉയർത്തി.

പുതിയ കോച്ചിന്റെ കന്നി ഉദ്യമത്തിൽ ടീം ഐഎസ്എൽ ഫൈനലിൽ എത്തിയതോടെ ബ്ലാസ്റ്റേഴ്‌സ് ആരാധകർക്കിടയിൽ ഇവാൻ തരംഗം ആഞ്ഞടിച്ചു. ഗോവയിലെ ഫൈനൽ കാണാൻ ‘കേറി വാടാ മക്കളെ’ എന്ന ആശാന്റെ ആഹ്വാനം ആരാധകർക്ക് ഹൃദയം കൊണ്ടാണ് സ്വീകരിച്ചത്.

2021-22 സീസണിന്റെ കലാശപ്പോരിൽ ഹൈദരാബാദ് എഫ്സിയോട് പൊരുതി കളിച്ച കൊമ്പന്മാർ വിജയത്തിന്റെ അരികിൽ നിന്നാണ് കിരീടം കൈവിട്ടത്. കേരള ബ്ലാസ്റ്റേഴ്‌സിന്റെ കന്നി ഐഎസ്എൽ കിരീടമെന്ന സ്വപ്നം പെനാൽറ്റി ഷൂട്ട് ഔട്ടിൽ ഹൈദരാബാദ് തട്ടിത്തെറിപ്പിക്കുകയായിരുന്നു.

ബ്ലാസ്റ്റേഴ്‌സ് ഹെഡ് കോച്ച് എന്ന നിലയിൽ നിർഭാഗ്യം പലപ്പോഴും ഇവാൻ വുകമനോവിച്ചിനെ പിന്തുടർന്നു. റഫറിമാരുടെ തെറ്റായ തീരുമാനങ്ങൾക്ക് ഇവാൻ ഇരയായി. ഇടയ്ക്ക് വിചാരങ്ങൾക്ക് പകരം വികാരങ്ങൾക്ക് അടിമപ്പെടുന്ന ഇവാന്റെ സ്വഭാവം അദ്ദേഹത്തെ ഐഎസ്എൽ അധികൃതരുടെ നോട്ടപ്പുള്ളിയായി മാറ്റി. ഏത് പ്രതിസന്ധി ഘട്ടത്തിലും ബ്ലാസ്റ്റേഴ്‌സ് താരങ്ങൾക്കൊപ്പം അടിയുറച്ചു നിന്ന ആശാൻ, ടീമിനായി ജീവൻ വരെ വെടിയാൻ തയ്യാറാകുന്ന ആരാധകരുടെ പ്രതീക്ഷകൾ മാനിക്കാനും പ്രത്യേകം ശ്രദ്ധിച്ചു.

2022-23 സീസണിന്റെ പ്ലേ ഓഫിലാണ് ബംഗളൂരു എഫ്സിയോട് ബ്ലാസ്റ്റേഴ്‌സ് തോൽക്കുന്നത്. സുനിൽ ചേത്രി നേടിയ വിവാദ ഫ്രീകിക്ക് ഗോളിൽ പ്രതിഷേധിച്ച് ഇവാൻ വുകമനോവിച്ചിന്റെ നേതൃത്വത്തിൽ മത്സരം പൂർത്തിയാക്കാതെ ടീം അംഗങ്ങൾ സ്റ്റേഡിയം വിടുകയായിരുന്നു. റഫറിയുടെ തെറ്റായ തീരുമാനത്തിൽ പ്രതിഷേധിച്ച് വാക്ക് ഔട്ട് നടത്തിയതിന് വൻ പിഴയും 10 മത്സരങ്ങളിൽ വിലക്കുമാണ് ഇവാൻ നേരിട്ടത്.

ഐഎസ്എല്ലിന്റെ ഈ സീസണിലെ തുടക്കത്തിൽ മികച്ച പ്രകടനമാണ് കേരള ബ്ലാസ്റ്റേഴ്‌സ് കാഴ്ചവെച്ചത്. പോയിന്റ് ടേബിളിൽ ഒന്നാം സ്ഥാനത്ത് വരെ എത്തിയ കൊമ്പന്മാർക്ക് പിന്നീട് അടി തെറ്റുകയായിരുന്നു. ക്യാപ്റ്റൻ അഡ്രിയാൻ ലൂണ ഉൾപ്പെടെയുള്ള പ്രമുഖ താരങ്ങളെ മാറി മാറി പരിക്കുകൾ വേട്ടയാടിയത് ബ്ലാസ്റ്റേഴ്‌സിന് തിരിച്ചടിയായി. ഹോം മത്സരങ്ങളിലെ ആധിപത്യം എവേ പോരാട്ടങ്ങളിൽ ആവർത്തിക്കാൻ സാധിക്കാത്തത് ഇവാന്റെ കോച്ചിംഗിലെ പ്രധാന പോരായ്മയായി ഫുട്ബോൾ വിദഗ്ധർ ചൂണ്ടിക്കാട്ടി. ഫിനിഷിംഗിലെ പ്രശ്നങ്ങളും മഞ്ഞപ്പടയ്ക്ക് പലപ്പോഴും വിനയായി.

എന്തായാലും കേരള ബ്ലാസ്റ്റേഴ്‌സ് ആരാധകരുടെ വികാരമായിരുന്ന പരിശീലകനാണ് വിട ചൊല്ലിയിരിക്കുന്നത്. ഒട്ടും പ്രതീക്ഷിക്കാതെ ഒരു ശരാശരി ടീമിനെ തന്റെ ആദ്യ സീസണിൽ തന്നെ ഫൈനൽ വരെ എത്തിക്കാനായത് ആരാധകർക്കിടയിൽ വുകമനോവിച്ചിന് പ്രത്യേക സ്ഥാനം നൽകി. കലൂർ ജവഹർ ലാൽ നെഹ്‌റു സ്റ്റേഡിയത്തിലെ ആർത്തിരമ്പുന്ന മഞ്ഞക്കടലിന് മുൻപാകെ വിജയം നേടിയ ശേഷം ആവേശത്തോടെ കൈ വീശുന്ന ഇവാൻ വുകമനോവിച്ച് ഇനി നൊസ്റ്റാൾജിയയായി മാറും. ബ്ലാസ്റ്റേഴ്‌സ് പരിശീലക സ്ഥാനത്ത് ഇനി ഏത് കൊലകൊമ്പൻ വന്നാലും ഇവാൻ വുകമനോവിച്ച് എന്ന സെർബിയൻ പരിശീലകന്റെ ലെഗസി അത് പോലെ തുടരും. ക്ലബ്ബിന്റെ ചരിത്രത്തിൽ എന്നും അദ്ദേഹത്തിനൊരു സ്ഥാനം ഉണ്ടാകും. ഇവാൻ ആശാന് എല്ലാ ഭാവുകങ്ങളും.

Tags: kerala blastersindian super leagueKBFCivan vukomanovic
Share6TweetSendShare

Latest stories from this section

എന്നെ തന്നെ പുകഴ്ത്തി പറയുന്നതല്ല, ആ കാര്യത്തിൽ ഏറ്റവും ഏറ്റവും മിടുക്കനായിട്ടുള്ള താരം ഞാൻ തന്നെ; തുറന്നടിച്ച് സഞ്ജു സാംസൺ

എന്നെ തന്നെ പുകഴ്ത്തി പറയുന്നതല്ല, ആ കാര്യത്തിൽ ഏറ്റവും ഏറ്റവും മിടുക്കനായിട്ടുള്ള താരം ഞാൻ തന്നെ; തുറന്നടിച്ച് സഞ്ജു സാംസൺ

ധോണിക്കെതിരായ ഹുക്ക പരാമർശം, പിന്നാലെ പുതിയ വിവാദത്തിന് തിരികൊളുത്തി മനോജ് തിവാരി; ഇത്തവണ ഇര ആ താരങ്ങൾ

ധോണിക്കെതിരായ ഹുക്ക പരാമർശം, പിന്നാലെ പുതിയ വിവാദത്തിന് തിരികൊളുത്തി മനോജ് തിവാരി; ഇത്തവണ ഇര ആ താരങ്ങൾ

താൻ കണ്ടിട്ടുള്ളതിൽ ഏറ്റവും മികച്ച ക്ലച്ച് ബാറ്റ്സ്മാൻ ആ താരമാണ്, സഞ്ജുവിന്റെ തിരഞ്ഞെടുപ്പ് ഏറ്റെടുത്ത് ആരാധകർ

താൻ കണ്ടിട്ടുള്ളതിൽ ഏറ്റവും മികച്ച ക്ലച്ച് ബാറ്റ്സ്മാൻ ആ താരമാണ്, സഞ്ജുവിന്റെ തിരഞ്ഞെടുപ്പ് ഏറ്റെടുത്ത് ആരാധകർ

ഇക്കാലത്ത് നന്നായി പ്രതിരോധിക്കുന്ന താരങ്ങൾ ഇന്ത്യയിൽ കുറവ്, പക്ഷെ അവൻ ആ കാര്യത്തിൽ കൊള്ളാം; അപ്രതീക്ഷിത പേരുമായി സഞ്ജു സാംസൺ

ഇക്കാലത്ത് നന്നായി പ്രതിരോധിക്കുന്ന താരങ്ങൾ ഇന്ത്യയിൽ കുറവ്, പക്ഷെ അവൻ ആ കാര്യത്തിൽ കൊള്ളാം; അപ്രതീക്ഷിത പേരുമായി സഞ്ജു സാംസൺ

Discussion about this post

Latest News

അങ്ങനെ ഒന്ന് സംഭവിച്ചില്ലെങ്കിൽ പണി മേടിക്കാൻ ഒരുങ്ങിക്കോ, ഏഷ്യാ കപ്പിൽ നിന്ന് പിന്മാറും എന്ന ഭീഷണിയുമായി പാകിസ്ഥാൻ; കലിപ്പ് മുഴുവൻ അയാളോട്

ആദ്യം നടക്കില്ല പിന്നെ നടക്കും പിന്നെ നടക്കില്ല, ഒടുവിൽ പാകിസ്ഥാൻ- യുഎഇ മത്സരത്തിന്റെ കാര്യത്തിൽ തീരുമാനം; അപ്ഡേറ്റ് ഇങ്ങനെ

ഏഷ്യാ കപ്പിൽ ബാറ്റിംഗിൽ അവസരമില്ല, പിന്നാലെ സഞ്ജു സാംസണ് ഉണ്ടായത് വമ്പൻ നഷ്ടം; നേട്ടമുണ്ടാക്കി വരുൺ ചക്രവർത്തി

ഏഷ്യാ കപ്പിൽ ബാറ്റിംഗിൽ അവസരമില്ല, പിന്നാലെ സഞ്ജു സാംസണ് ഉണ്ടായത് വമ്പൻ നഷ്ടം; നേട്ടമുണ്ടാക്കി വരുൺ ചക്രവർത്തി

ഒരിക്കൽ ഞാനെന്റെ മുഴുവൻ കഥയും പറയും… സന്യാസിയെ പോലെ അദ്ദേഹമെന്നോട് ക്ഷമിച്ചു; മോദിക്ക് ആശംസകളുമായി ഷാ ഫൈസൽ ഐഎഎസ്

ഒരിക്കൽ ഞാനെന്റെ മുഴുവൻ കഥയും പറയും… സന്യാസിയെ പോലെ അദ്ദേഹമെന്നോട് ക്ഷമിച്ചു; മോദിക്ക് ആശംസകളുമായി ഷാ ഫൈസൽ ഐഎഎസ്

പ്രചോദനത്തിന്റെ ഉറവിടം; നരേന്ദ്രമോദിക്ക് പിറന്നാൾ ആശംസയുമായി ജോർജിയ മെലോണി

പ്രചോദനത്തിന്റെ ഉറവിടം; നരേന്ദ്രമോദിക്ക് പിറന്നാൾ ആശംസയുമായി ജോർജിയ മെലോണി

ഇന്ത്യയിൽ നിന്നും ഡീസൽ വാങ്ങുന്നത് നിർത്തുമെന്ന് യുക്രൈൻ ; ഇന്ത്യൻ ഡീസലിൽ റഷ്യൻ ഘടകങ്ങൾ ഉണ്ടോ എന്ന് പരിശോധനയും നടത്തും

ഇന്ത്യയിൽ നിന്നും ഡീസൽ വാങ്ങുന്നത് നിർത്തുമെന്ന് യുക്രൈൻ ; ഇന്ത്യൻ ഡീസലിൽ റഷ്യൻ ഘടകങ്ങൾ ഉണ്ടോ എന്ന് പരിശോധനയും നടത്തും

ഡൽഹി,മുംബൈ ആക്രമണങ്ങൾക്ക് പിന്നിൽ മസൂദ് അസർ തന്നെ; പാകിസ്താന് വിനയായി ജെയ്‌ഷെ കമാൻഡറുടെ തുറന്നുപറച്ചിൽ

ഡൽഹി,മുംബൈ ആക്രമണങ്ങൾക്ക് പിന്നിൽ മസൂദ് അസർ തന്നെ; പാകിസ്താന് വിനയായി ജെയ്‌ഷെ കമാൻഡറുടെ തുറന്നുപറച്ചിൽ

23,000 കോടിയുടെ പദ്ധതികൾ ഉദ്ഘാടനം ചെയ്ത് പ്രധാനമന്ത്രി,പ്രഖ്യാപനം ജന്മദിനത്തിൽ

23,000 കോടിയുടെ പദ്ധതികൾ ഉദ്ഘാടനം ചെയ്ത് പ്രധാനമന്ത്രി,പ്രഖ്യാപനം ജന്മദിനത്തിൽ

എന്നെ തന്നെ പുകഴ്ത്തി പറയുന്നതല്ല, ആ കാര്യത്തിൽ ഏറ്റവും ഏറ്റവും മിടുക്കനായിട്ടുള്ള താരം ഞാൻ തന്നെ; തുറന്നടിച്ച് സഞ്ജു സാംസൺ

എന്നെ തന്നെ പുകഴ്ത്തി പറയുന്നതല്ല, ആ കാര്യത്തിൽ ഏറ്റവും ഏറ്റവും മിടുക്കനായിട്ടുള്ള താരം ഞാൻ തന്നെ; തുറന്നടിച്ച് സഞ്ജു സാംസൺ

  • Home
  • About Us
  • Contact Us
  • Privacy Policy
  • Terms of Services

© Brave India Communications Private Limited.
Tech-enabled by Ananthapuri Technologies

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
View All Result
  • Home
  • Kerala
  • India
  • International
  • Defence
  • Article
  • Entertainment
  • Sports
  • Technology
  • Business
  • Health
  • Culture
  • Video

© Brave India Communications Private Limited.
Tech-enabled by Ananthapuri Technologies