മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്ത ലൂസിഫറിനെതിരെ കേരള ക്രിസ്ത്യന് ഡമോക്രാറ്റിക്ക് മൂവ്മെന്റ് രംഗത്ത്. ഫെയ്സ്ബുക്ക് പേജിലാണ് ഇവരുടെ വിമര്ശനം. സഭയെയും ക്രിസ്തീയ മൂല്യങ്ങളെയും, പരിശുദ്ധ കൂദാശകളെയും അപമാനിച്ച ശേഷം സാത്താനും അവന്റെ നാമത്തിനും കയ്യടിയും ആര്പ്പുവിളിയും വാങ്ങിക്കൊടുക്കുന്ന മലയാള സിനിമാ വ്യവസായം എന്ന് ഇവര് വിശേഷിപ്പിക്കുന്നു. മറഞ്ഞിരിക്കുന്ന വലിയ വിപത്തിനെ തിരിച്ചറിയാനുള്ള വിവേകം നല്ല തമ്പുരാന് നമുക്ക് നല്കട്ടെ എന്നും ഇവരുടെ പേരിലെ ഫേസ്ബുക്ക് പോസ്റ്റില് പറയുന്നു.
‘മൃഗത്തിന്റെ നാമമോ നാമത്തിന്റെ സംഖ്യയോ മുദ്രയടിക്കപ്പെടാത്തവര്ക്കു കൊടുക്കല് വാങ്ങgല് അസാധ്യമാക്കാന് വേണ്ടിയായിരുന്നു അത്.ഇവിടെയാണ് ജ്ഞാനം ആവശ്യമായിരിക്കുന്നത്. ബുദ്ധിയുള്ളവന്മൃഗത്തിന്റെ സംഖ്യ കണക്കുകൂട്ടട്ടെ. അത് ഒരു മനുഷ്യന്റെ സംഖ്യയാണ്. ആ സംഖ്യ അറുന്നൂറ്റിയറുപത്തിയാറ്’.
ജീവിതമൂല്യങ്ങള് അവതരിപ്പിക്കുന്നതും, നല്ല സന്ദേശങ്ങള് നല്കുന്നതുമായ സിനിമകളെ ഉദ്ദേശിച്ചല്ല ഈ പോസ്റ്റ്. ലൂസിഫര് എന്നത് സാത്താന്റെ നാമമായാണ് ക്രൈസ്തവര് കരുതുന്നത്, അത് സകല തലമുറയ്ക്കും ശപിക്കപ്പെട്ട നാമമായിരിക്കും- ഫേസ്ബുക്ക് പോസ്റ്റ് കുറിപ്പില് പറയുന്നു.
Discussion about this post