പ്രധാനമന്ത്രി നരേന്ദ്ര മോദിയുടെ ഹെലികോപ്റ്റര് പരിശോധിച്ച ഉദ്യോഗസ്ഥനെ തെരഞ്ഞെടുപ്പ് കമ്മിഷന് സസ്പെന്ഡ് ചെയ്തു. ഒഡീഷയിലെ സംബല്പുരിലെ തെരഞ്ഞെടുപ്പ് നിരീക്ഷകന് മുഹമ്മദ് മൊഹസിനെതിരെയാണ് നടപടി. തെരഞ്ഞെടുപ്പ് കമ്മിഷന്റെ നിര്ദേശപ്രകാരമല്ല ഉദ്യോഗസ്ഥന്റെ നടപടിയെന്നും എസ്പിജി സുരക്ഷയുള്ളവരെ പരിശോധനയില് നിന്ന് ഒഴിവാക്കിയിട്ടുണ്ടെന്നും കമ്മിഷന് അധികൃതര് വിശദീകരിച്ചു.
കര്ണാടക കേഡര് ഐഎഎസ് ഉദ്യോഗസ്ഥനാണ് മൊഹസിന്.
ചൊവ്വാഴ്ചയാണ് ഒഡീഷയിലെ സംബല്പുരിലെത്തിയ പ്രധാനമന്ത്രിയുടെ ഹെലികോപ്റ്റര് പരിശോധനയ്ക്ക് വിധേയമാക്കിയത്. ജില്ല കലക്ടര്, ഡിഐജി എന്നിവര് നല്കിയ റിപ്പോര്ട്ടിന്റെ അടിസ്ഥാനത്തിലാണ് നടപടി. പെട്ടെന്നുണ്ടായ പരിശോധനയെ തുടര്ന്ന് 15 മിനിറ്റോളം പ്രധാനമന്ത്രിക്ക് കാത്തുനില്ക്കേണ്ടി വന്നതായി റിപ്പോര്ട്ടില് പറയുന്നു.
ഒഡീഷ മുഖ്യമന്ത്രി നവീന് പട്നായിക്ക്, കേന്ദ്രമന്ത്രി ധര്മ്മേന്ദ്ര പ്രധാന് എന്നിവരുടെ ഹെലികോപ്റ്ററുകളും ഫ്ലൈയിങ് സ്ക്വാഡ് പരിശോധനയ്ക്ക് വിധേയമാക്കിയിരുന്നു.
Discussion about this post