യുവരാജ് സിംഗ് രാജ്യാന്തര ക്രിക്കറ്റില് നിന്ന് വിരമിച്ചു.സൗത്ത് മുംബൈയിലെ ഒരു ഹോട്ടലില് വിളിച്ചുചേര്ത്ത വാര്ത്താസമ്മേളനത്തിലാണ് യുവി വിരമിക്കല് പ്രഖ്യാപനം അറിയിച്ചത്.രാജ്യാന്തര ക്രിക്കറ്റില് നിന്ന് വിരമിച്ചെങ്കിലും വിവിധ രാജ്യങ്ങളിലെ ടി20 ടൂര്ണമെന്റുകളില് 37കാരനായ യുവരാജ് തുടര്ന്നും കളിക്കും.
2000ല് കെനിയക്കെതിരെ ഏകദിന ക്രിക്കറ്റില് അരങ്ങേറിയ യുവരാജ് 304 ഏകദിനങ്ങളില് ഇന്ത്യക്കായി കളിച്ചു. 40 ടെസ്റ്റിലും 58 ടി20 മത്സരങ്ങളിലും ഇന്ത്യന് ജേഴ്സി അണിഞ്ഞ യുവരാജ് 2007ലെ ടി20 ലോകകപ്പ് നേട്ടത്തിലും 2011ലെ ഏകദിന ലോകകപ്പ് നേട്ടത്തിലും നിര്ണായക പങ്കുവഹിച്ചു. 2011ലെ ഏകദിന ലോകകപ്പില് 362 റണ്സും 15 വിക്കറ്റും സ്വന്തമാക്കിയ യുവിയായിരുന്നു ഇന്ത്യ കിരീടം നേടിയപ്പോള് ടൂര്ണമെന്റിന്റെ താരം.. 2007ലെ ട്വന്റി-20 ക്രിക്കറ്റ് ലോകകപ്പില് ഒരോവറിലെ ആറ് പന്തും സിക്സറടിച്ച് ക്രിക്കറ്റ് ലോകത്തെ വിസ്മയിപ്പിച്ചു താരമായി യുവി.
Discussion about this post