കാലാവസ്ഥാ വ്യതിയാനത്തിനെതിരെ ശക്തമായ നടപടിയെടുക്കാന് ഐക്യരാഷ്ട്രസഭയോട് മാര്പാപ്പ ആഹ്വാനം ചെയ്തു.ആഗോളതാപനം തടയുന്നതിനുള്ള അവസാന നടപടി എന്ന വിശേഷണത്തോടെ വിളിച്ച് കൂട്ടിയ ഉച്ചകോടിയിലാണ് ശക്തമായ നടപടിയെടുക്കാന് മാര്പാപ്പ ഐക്യരാഷ്ട്ര സഭയോട് ആഹ്വാനം ചെയ്തത്. യൂറോപ്പിലേയും ഏഷ്യയിലേയും ആഫ്രിക്കയിലേയും പ്രധാന നഗരങ്ങളിലെ മേയര്മാരുടേയും ഗവര്ണമാരുടേയും യോഗത്തിലാണ് മാര്പാപ്പയുടെ ആഹ്വാനം. ഈ വിഷയവുമായി ബന്ധപ്പെട്ട് പാരിസില് നവംബറില് നടക്കുന്ന ഉച്ചകോടിയില് ഒരു ധാരണയിലെത്താനാകുമെന്നും അദ്ദേഹം പ്രത്യാശിച്ചു.
ദാരിദ്ര്യത്തിനും നിര്ബ്ബന്ധിത കുടിയിറക്കത്തിനും ആഗോളതാപനം കാരണമാകുന്നുവെന്ന വിഷയത്തെ മുന്നിര്ത്തിയാണ് ഉച്ചകോടി സംഘടിപ്പിച്ചത്. ഇതോടൊപ്പം അടിമത്തവും രണ്ട് ദിവസത്തെ ഉച്ചകോടിയിലെ ചര്ച്ചാ വിഷയമാകും. യൂറോപ്പ്, ഏഷ്യ, ആഫ്രിക്ക, അമേരിക്ക എന്നീ രാജ്യങ്ങളിലെ പ്രമുഖ നഗരങ്ങളിലെ മേയര്മാരും ഗവര്ണര്മാരുമാണ് ഉച്ചകോടിക്കെത്തിയത്. പ്രാദേശീയദേശീയ നേതാക്കളുള്പ്പെടെ 65 പേരേയും മാര്പാപ്പ ഉച്ചകോടിയിലേക്ക് ക്ഷണിച്ചിരുന്നു.
Discussion about this post