തിരുവനന്തപുരം: ടി.പി.ചന്ദ്രശേഖരന് വധക്കേസിിലെ പ്രതിയും പ്രമുഖ സി.പി.എം. നേതാവുമായ പടിഞ്ഞാറെ കുഞ്ഞിക്കാട്ടില് പി.കെ.കുഞ്ഞനന്തന് (72) മരിച്ചു. ടി.പി.ചന്ദ്ര ശേഖരന് വധക്കേസില് ജീവപര്യന്തം ശിക്ഷിക്കപ്പെട്ട് ജയില് ശിക്ഷ അനുഭവിച്ചു വരികയാണ്. കേസിലെ 13ാം പ്രതിയായിരുന്നു.
വയറ്റിലെ അണുബാധ മൂര്ച്ഛിച്ചതിനെത്തുടര്ന്ന് ഞായറാഴ്ച രാവിലെ ഐ.സി.യുവിലേക്ക് മാറ്റി. വ്യാഴാഴ്ച രാത്രിയോടെയാണ് മരണം. കഴിഞ്ഞ ദിവസം മുഖ്യമന്ത്രി പിണറായി വിജയനും ആശുപത്രിയിലെത്തി കുഞ്ഞനന്തനെ സന്ദര്ശിച്ചിരുന്നു.അസുഖത്തെത്തുടര്ന്ന് കഴിഞ്ഞവര്ഷം ജനവരി 14 മുതല് തിരുവനന്തപുരം മെഡിക്കല് കോളേജ് ആസ്പത്രിയില് ചികിത്സയിലായിരുന്നു.
സി.പി.എം. പാനൂര് ഏരിയാ കമ്മിറ്റി അംഗമാണ്. ജയിലിലായിരിക്കുമ്പോഴും ഏരിയാ കമ്മിറ്റിയിലേക്ക് തിരഞ്ഞെടുക്കുകയായിരുന്നു. ചന്ദ്രശേഖരനെ കൊല ചെയ്ത സംഭവത്തില് കുഞ്ഞനന്തന് പങ്കില്ലെന്ന നിലപാടാണ് സി.പി.എം. നേതൃത്വം സ്വീകരിച്ചത്.
