കണ്ണൂർ: കണ്ണൂരിൽ വാർഡ് മെമ്പർക്ക് സിപിഎം പ്രവർത്തകരുടെ ക്രൂര മർദ്ദനം. കൂടാളിയിലെ പതിമൂന്നാം വാർഡ് മെമ്പർ മനോഹരനെയാണ് ആക്രമിച്ചത്. കോൺഗ്രസ് അംഗമാണ് ഇദ്ദേഹം.
തദ്ദേശ തെരഞ്ഞെടുപ്പ് ഫലം വന്ന ഡിസംബർ 16നാണ് മർദ്ദനം നടന്നത്. നാൽപ്പത്തിയേഴ് വർഷമായി സിപിഎം കുത്തകയായിരുന്ന വാർഡിൽ മനോഹരൻ ജയിച്ചതാണ് പ്രവർത്തകരുടെ സമനില തെറ്റിച്ചത്. വോട്ടർമാർക്ക് നന്ദി പറയാൻ എത്തിയപ്പോൾ വളഞ്ഞിട്ട് മർദ്ദിക്കുന്ന ദൃശ്യങ്ങൾ മാധ്യമങ്ങൾക്ക് ലഭിച്ചു.
അതേസമയം പ്രതികളായ സിപിഎം പ്രവർത്തകർക്കെതിരെ പൊലീസ് ദു‍ർബല വകുപ്പ് ചുമത്തി വിട്ടയച്ചെന്ന് മർദ്ദനമേറ്റ മെമ്പർ മനോഹരൻ ആരോപിച്ചു. തലയ്ക്കടിച്ച് താഴെ വീഴ്ത്തിയ ശേഷം നെഞ്ചിനും മർദ്ദിച്ചതായി മനോഹരൻ പറഞ്ഞു. തുടർന്ന് നാല് സിപിഎം പ്രവർത്തകരെ പൊലീസ് അറസ്റ്റ് ചെയ്തെങ്കിലും സ്റ്റേഷൻ ജാമ്യത്തിൽ വിട്ടയച്ചുവെന്നും കോൺഗ്രസ് ആരോപിക്കുന്നു.
Discussion about this post