സ്കൂളുകളില് മുസ്ലിം മത വസ്ത്രം നിര്ബന്ധമാക്കിയ തീരുമാനത്തിനെതിരെ ഇന്തോനേഷ്യയില് പുതിയ നിയമം. ഇനി സ്കൂളുകളിലെത്തുന്ന കുട്ടികളോട് മുസ്ലിം മത വസ്ത്രം (ഹിജാബ്) ധരിക്കാന് നിര്ബന്ധിച്ചാല് സ്കൂളുകൾക്ക് ഉപരോധം നേരിടേണ്ടിവരുമെന്നും പുതിയ ഉത്തരവില് പറയുന്നു. അടുത്തിടെ ക്രിസ്ത്യന് മത വിശ്വാസിയായ ഒരു പതിനാറുകാരി പെണ്കുട്ടിയോട് മുസ്ലീം ശിരോവസ്ത്രം ധരിച്ച് സ്കൂളിലെത്തിയാല് മതിയെന്ന് സ്കൂള് അധികൃതർ ആവശ്യപ്പെട്ടിരുന്നു.
ഇത് വിവാദമായതിനെ തുടര്ന്നാണ് ഇന്തോനേഷ്യ പുതിയ നിയമം പാസാക്കിയത്. ലോകത്തിലെ ഏറ്റവും വലിയ മുസ്ലിം ഭൂരിപക്ഷ രാജ്യമാണ് ഇന്തോനേഷ്യ. എന്നാല്, അതോടൊപ്പം ആറ് മതങ്ങളെ കൂടി ഔദ്യോഗികമായി ഇന്തോനേഷ്യ അംഗീകരിക്കുന്നു. മാത്രമല്ല, പാൻകസില എന്നറിയപ്പെടുന്ന ഇന്തോനേഷ്യന് തത്ത്വചിന്ത ബഹുസ്വരതയെ ഉൾക്കൊള്ളുന്നതാണ്.
മുസ്ലിം മതരാഷ്ട്രമായിരിക്കുമ്പോള് തന്നെ മറ്റ് മതവിഭാഗങ്ങലെ അംഗീകരിക്കുന്നുണ്ട് ഇന്തോനേഷ്യന് ഭരണഘടന. എന്നാല് അടുത്തകാലത്തായി ഇന്തോനേഷ്യയില് മുസ്ലീം തീവ്രവാദ ആശയങ്ങള്ക്ക് ഏറെ പ്രാധാന്യം ലഭിക്കുന്നു എന്നാണ് വിലയിരുത്തൽ.
