‘അമ്മയും വാക്സിൻ സ്വീകരിച്ചു‘; അർഹരായ എല്ലാവരും കൊവിഡ് വാക്സിൻ സ്വീകരിക്കണമെന്ന അഭ്യർത്ഥനയുമായി പ്രധാനമന്ത്രി നരേന്ദ്ര മോദി

ഡൽഹി: പ്രധാനമന്ത്രി നരേന്ദ്ര മോദിയുടെ അമ്മ കൊവിഡ് വാക്സിൻ സ്വീകരിച്ചു. പ്രധാനമന്ത്രി തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. ‘; അർഹരായ എല്ലാവരും കൊവിഡ് വാക്സിൻ സ്വീകരിക്കണമെന്ന് അദ്ദേഹം വീണ്ടും അഭ്യർത്ഥിച്ചു.

Happy to share that my mother has taken the first dose of the COVID-19 vaccine today. I urge everyone to help and motivate people around you who are eligible to take the vaccine.

— Narendra Modi (@narendramodi) March 11, 2021

‘ഇന്ന് എന്റെ അമ്മ കൊവിഡ് 19 വാക്സിൻ സ്വീകരിച്ച വിവരം ഞാൻ സന്തോഷപൂർവ്വം പങ്ക് വെക്കുകയാണ്. നിങ്ങൾക്ക് ചുറ്റുമുള്ള അർഹരായ എല്ലാവരെയും വാക്സിൻ എടുക്കാൻ സഹായിക്കണമെന്നും അവർക്ക് പ്രചോദനം നൽകണമെന്നും എല്ലാവരോടും അപേക്ഷിക്കുകയാണ്.‘ പ്രധാനമന്ത്രി ട്വീറ്റ് ചെയ്തു.

99 വയസ്സുകാരിയാണ് പ്രധാനമന്ത്രി നരേന്ദ്ര മോദിയുടെ അമ്മ ഹീര ബെൻ. നരേന്ദ്ര മോദിയുടെ ഇളയ സഹോദരനായ പങ്കജ് മോദിക്കൊപ്പം ഗുജറാത്തിലെ ഗാന്ധിനഗറിന് സമീപം റെയ്‌സിന്‍ ഗ്രാമത്തിലാണ് അമ്മ താമസിക്കുന്നത്. 60 വയസിന് മുകളിലുള്ളവര്‍ക്കും 45 കഴിഞ്ഞ ഗുരുതര രോഗമുള്ളവര്‍ക്കും വാക്‌സിനേഷന്‍ ആരംഭിച്ച മാര്‍ച്ച്‌ ഒന്നിന് പ്രധാനമന്ത്രി നരേന്ദ്ര മോദി കോവിഡ് പ്രതിരോധ കുത്തിവയ്പ് എടുക്കുകയും എല്ലാവരോടും കുത്തിവയ്പ് എടുക്കാൻ അപേക്ഷിക്കുകയും ചെയ്തിരുന്നു.