ശബരിമല കേസിൽ ഭക്തർക്കെതിരെ വാദിക്കാൻ പുറമെ നിന്നുള്ള അഭിഭാഷകർക്ക് ഫീസിനത്തിൽ മാത്രം സംസ്ഥാന സർക്കാർ പൊതുഖജനാവിൽ നിന്നും ചിലവഴിച്ചത് 20.9 ലക്ഷം രൂപ; പുറമെ നിന്നുള്ള അഭിഭാഷകർക്കായി സംസ്ഥാന സർക്കാർ ആകെ ചിലവഴിച്ചത് 17.86 കോടി രൂപ

തിരുവനന്തപുരം: ശബരിമല കേസിൽ ഭക്തർക്കെതിരെ വാദിക്കാൻ പുറമെ നിന്നുള്ള അഭിഭാഷകർക്ക് ഫീസിനത്തിൽ മാത്രം സംസ്ഥാന സർക്കാർ പൊതുഖജനാവിൽ നിന്നും ചിലവഴിച്ചത് 20.9 ലക്ഷം രൂപയെന്ന് വിവരാവകാശ രേഖ. എ​ല്‍.​ഡി.​എ​ഫ്​ സ​ര്‍​ക്കാ​ര്‍ പു​റ​മെ നി​ന്ന്​ കൊ​ണ്ടു​വ​ന്ന അ​ഭി​ഭാ​ഷ​ക​രെ ഉ​പ​യോ​ഗി​ച്ച്‌​ കേ​സ്​ ന​ട​ത്താ​ന്‍ 57 മാ​സ​ത്തി​നി​ടെ ആകെ ചെ​ല​വ​ഴി​ച്ച​ത് ​17.86 കോ​ടി രൂപയെന്നും രേഖയിൽ പറയുന്നു.

ടി.​പി. സെ​ന്‍​കു​മാ​റി​നെ ഡി.​ജി.​പി സ്ഥാ​ന​ത്തു​ നി​ന്ന്​ മാ​റ്റു​ന്ന കേ​സി​ല്‍ 19.9 ല​ക്ഷം രൂപയാണ് ചെലവഴിച്ചത്. സോളാർ കേസിലും ഷു​ഹൈ​ബ് വ​ധ​ക്കേ​സി​ന്റെയും പെ​രി​യ ഇ​ര​ട്ട​ക്കൊ​ല​ക്കേ​സി​​ന്റെയും സി.​ബി.​ഐ അ​ന്വേ​ഷ​ണം ആ​വ​ശ്യ​പ്പെ​ട്ട്​ കൊ​ല്ല​പ്പെ​ട്ട യു​വാ​ക്ക​ളു​ടെ മാ​താ​പി​താ​ക്ക​ള്‍ ന​ല്‍​കി​യ ഹർജിയെ എ​തി​ര്‍​ത്ത് ന​ല്‍​കി​യ കേ​സി​ലും കൂടി  പൊ​തു​ഖ​ജ​നാ​വി​ല്‍​നി​ന്ന്​ മൂ​ന്ന്​ കോ​ടി​യാ​ണ് അ​ഭി​ഭാ​ഷ​ക ഫീ​സി​ന​ത്തി​ല്‍ ന​ല്‍​കി​യ​തെ​ങ്കി​ലും എല്ലാ കേസുകളിലും സർക്കാർ പരാജയപ്പെട്ടു.

പ്ലീ​ഡ​ര്‍ മു​ത​ല്‍ അ​ഡ്വ​​ക്ക​റ്റ്​ ജ​ന​റ​ല്‍ വ​രെ​ 137 സ​ര്‍​ക്കാ​ര്‍ അ​ഭി​ഭാ​ഷ​ക സം​ഘ​ത്തി​ന്​ പ്ര​തി​മാ​സം 1.54 കോ​ടി ശമ്പളം മാത്രമായി നൽകുമ്പോഴാണ് പൊ​തു​ഖ​ജ​നാ​വി​ല്‍ ​നി​ന്ന് ഇങ്ങനെയും സർക്കാർ പണം ചെലവഴിക്കുന്നത്. കൊ​ച്ചി​യി​ലെ ‘ദ ​​​പ്രോ​പ​ര്‍ ചാ​ന​ല്‍’ വി​വ​രാ​വ​കാ​ശ നി​യ​മ​പ്ര​കാ​രം ശേഖരിച്ച രേഖയിലാണ് ഇക്കാര്യങ്ങൾ അടങ്ങിയിരിക്കുന്നത്. ജ​ന​ങ്ങ​ളു​ടെ നി​കു​തി​പ്പ​ണം എ​ത്ര​മാ​ത്രം ലാ​ഘ​വ​ത്തോ​ടെ​യാ​ണ് സർക്കാരുകൾ ചെ​യ്യു​ന്ന​തെ​ന്നാ​ണ്​ ഇ​ക്കാ​ര്യം ​വെ​ളി​വാ​ക്കു​ന്ന​തെ​ന്ന് പ്രോപർ ചാനൽ പ്രസിഡന്റ് എം കെ ഹരിദാസ് ചൂണ്ടിക്കാട്ടുന്നു.