കൊവിഡ് ആശങ്കകൾക്കിടെ തൃശൂർ പൂരത്തിന് ഇന്ന് കൊടിയേറ്റം; ചടങ്ങുകൾക്ക് കർശന നിയന്ത്രണങ്ങൾ

തൃശൂർ: കൊവിഡ് ആശങ്കകൾ രൂക്ഷമാകുന്ന സാഹചര്യത്തിൽ തൃശൂർ പൂരത്തിന് ഇന്ന് കൊടിയേറ്റം. കർശനമായ നിയന്ത്രണങ്ങൾക്ക് വിധേയമായാണ് പൂരത്തിന്റെ ചടങ്ങുകൾ നടക്കുക.

പകൽ  11.30നും 11.45നും മധ്യേ തിരുവമ്പാടി ക്ഷേത്രത്തിലാണ് പൂരത്തിന് കൊടിയേറ്റം. അതിന് ശേഷം പാറമേക്കാവ് ക്ഷേത്രത്തില്‍ 12നും 12.15നും മധ്യേ കൊടിയേറ്റം നടക്കും. ആലിന്റേയും മാവിന്റേയും ഇലകള്‍ കൊണ്ട് അലങ്കരിച്ച കൊടിമരം ഭക്തജനങ്ങളാണ് ഉയർത്തുക.

അയ്യന്തോള്‍, കണിമംഗലം, ലാലൂര്‍, കാരമുക്ക്, നെയ്തലക്കാവ്, ചെമ്പൂക്കാവ്, ചൂരക്കോട്ടുകാവ്, പനമുക്കംപ്പിള്ളി എന്നിങ്ങനെ എട്ട് ഘടകക്ഷേത്രങ്ങളിലും ഇന്നുതന്നെ കൊടിയേറ്റം നടക്കും.