നീതിക്കു വേണ്ടി തുടർസമരത്തിനൊരുങ്ങി വാളയാർ പെൺകുട്ടികളുടെ അമ്മ. ഇടത് സർക്കാർ അധികാരമേൽക്കുന്നതിന്റെ പിറ്റേ ദിവസമായ മെയ് 21ന് തുടർ സമരപ്രഖ്യാപനം നടത്തുമെന്ന് വാളയാർ സമര സമിതി അറിയിച്ചു. വാളയാർ അട്ടപ്പളളത്തെ പെൺകുട്ടികളുടെ വീട്ടിലാണ് സമര പ്രഖ്യാപനം നടത്തുക.
2017 ജനുവരിയിലും മാര്ച്ചിലുമായാണ് വാളയാറില് പതിമൂന്നും ഒമ്പതും വയസുള്ള സഹോദരിമാരെ ദുരൂഹസാഹചര്യത്തില് തൂങ്ങിമരിച്ച നിലയില് കണ്ടെത്തിയത്. രണ്ട് പേരും ലൈംഗീക അതിക്രമങ്ങള്ക്ക് ഇരയായിട്ടുള്ളതായി പോസ്റ്റ്മാര്ട്ടം റിപ്പോര്ട്ടില് പറയുന്നു.
കേസന്വേഷണം അട്ടിമറിച്ച പൊലീസ് ഉദ്യോഗസ്ഥരെ ഇപ്പോഴും സർക്കാർ സംരക്ഷിക്കുകയാണെന്നും ഇവർക്കെതിരെ നടപടി ഉണ്ടാകും വരും സമരം നടത്തുമെന്നും സമര സമിതി അറിയിച്ചു. ഇടതു സർക്കാരിൻ്റേത് നീതിനിഷേധമാണെന്നും സമരസമിതി കൂട്ടിച്ചേര്ത്തു.
Discussion about this post