ഇന്ത്യന് മുന് ഓപ്പണിംഗ് ബാറ്ററും കൊല്ക്കത്ത നൈറ്റ് റൈഡേഴ്സിന്റെ ക്യാപ്റ്റനുമായിരുന്ന ഗൗതം ഗംഭീറിനെ പുതിയ ഐപിഎല് ടീമായ ലഖ്നൗ ടീം മെന്ററായി നിയമിച്ചു. സിംബാബ്വെ ക്രിക്കറ്റ് ടീം മുന് ക്യാപ്റ്റന് ആന്ഡി ഫ്ളവറിനെ മുഖ്യ പരിശീലകനായി ടീം തിരഞ്ഞെടുത്തിനു പിന്നാലെയാണ് ഗംഭീറിന്റെ നിയമനവും.
കെകെആറിന്റെ ക്യാപ്റ്റനെന്ന നിലയില് ഐപിഎല്ലില് മികച്ച റെക്കോര്ഡ് ഒപ്പമുള്ള താരമാണ് ഗംഭീര്. അതിനാല് തന്നെ താരത്തിന്റെ സാന്നിധ്യം വര്ദ്ധിച്ചുവരുന്ന മത്സരാധിഷ്ഠിത ഐപിഎല് സാഹചര്യത്തില് ടീമിന് മുതല്ക്കൂട്ടാവുമെന്നാണ് കരുതുന്നത്. ഗംഭീറിന്റെ നായകത്വത്തില് കീഴിലാണ് 2012, 2014 വര്ഷങ്ങളില് കെകെആര് ഐപിഎല് കിരീടം ചൂടിയത്.
Discussion about this post