തിരുവനന്തപുരം: സംസ്ഥാനത്ത് നാല് പേർക്ക് കൂടി ഒമിക്രോൺ സ്ഥിരീകരിച്ചു. പുതിയ 4 കേസുകളും തിരുവനന്തപുരത്താണെന്ന് ആരോഗ്യ വകുപ്പ് മന്ത്രി വീണ ജോർജ്ജ് അറിയിച്ചു.
കഴിഞ്ഞ ദിവസം ഒമിക്രോണ് സ്ഥിരീകരിച്ച 17 വയസുകാരനോടൊപ്പം യു.കെയില് നിന്നെത്തിയ 41 വയസ്സുകാരിയായ മാതാവ്, പ്രാഥമിക സമ്പർക്ക പട്ടികയിലുള്ള 67 വയസ്സുകാരിയായ അമ്മൂമ്മ, 27 വയസ്സുകാരിയായ യുവതി, നൈജീരിയയിൽ നിന്നെത്തിയ 32 വയസ്സുകാരൻ എന്നിവർക്കാണ് രോഗബാധ സ്ഥിരീകരിച്ചത്.
32 വയസുകാരന് ഡിസംബര് 17ന് നൈജീരിയയില് നിന്നും എത്തിയതാണ്. എയര്പോര്ട്ട് പരിശോധനയില് കോവിഡ് പോസിറ്റീവായതിനെ തുടര്ന്ന് ആശുപത്രിയിൽ പ്രവേശിപ്പിച്ചിരിക്കുകയായിരുന്നു. 27 വയസുകാരി വിമാനത്തിലെ സമ്പര്ക്കപ്പട്ടികയിലുള്ളയാളാണ്. ഇവര് ഡിസംബര് 12നാണ് യുകെയില് നിന്നും തിരുവനന്തപുരം വിമാനത്താവളത്തിൽ എത്തിയത്. തുടര്ന്ന് ക്വാറന്റീനിലായ ഇവരെ 16ന് പരിശോധിച്ചപ്പോഴാണ് കോവിഡ് പോസിറ്റീവായത്.
ഇതോടെ സംസ്ഥാനത്തെ ആകെ ഒമിക്രോൺ ബാധിതരുടെ എണ്ണം 15 ആയി.
