കൊച്ചി: തിരുവനന്തപുരത്ത് എബിവിപി പ്രവർത്തകർക്കെതിരെ നടന്ന പോലീസ് അതിക്രമം പ്രതിഷേധാർഹമാണെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. സെക്രട്ടറിയേറ്റിലേക്ക് സമാധാനപരമായി മാർച്ച് നടത്തിയ പ്രവർത്തകർക്കെതിരെ ക്രൂരമായ മർദ്ദനമുറയാണ് പോലീസ് പ്രയോഗിച്ചത്. പോലീസിനെ ഉപയോഗിച്ച് വിദ്യാർത്ഥി പ്രതിഷേധം അടിച്ചമർത്താനാവില്ലെന്ന് പിണറായി വിജയൻ മനസിലാക്കണമെന്ന് അദ്ദേഹം പറഞ്ഞു.
പോലീസിന്റെ ശൗര്യം വ്യാജ രേഖ ചമച്ച് ആൾമാറാട്ടം നടത്തിയവർക്കെതിരെയാണ് വേണ്ടത്. അതിനെതിരെ സമരം ചെയ്യുന്നവരെ തല്ലിയൊതുക്കാനല്ല ശ്രമിക്കേണ്ടത്. പോലീസിന്റെ അതിക്രമങ്ങളെ ബിജെപി ശക്തമായി നേരിടും. ജനകീയ സമരങ്ങളെ തെരുവിൽ നേരിടാനാണ് സർക്കാർ തീരുമാനമെങ്കിൽ ജനങ്ങൾ പോലീസിനെതിരെ തെരുവിലിറങ്ങും. ഒളിവിൽ പോയ എസ്എഫ്ഐ നേതാക്കളെ സഹായിക്കുന്നത് സിപിഎമ്മാണ്. പോലീസിന് എകെജി സെന്ററിൽ പോയാൽ വിദ്യയെ പിടിക്കാൻ സാധിക്കുമെന്നും കെ.സുരേന്ദ്രൻ പറഞ്ഞു.
Discussion about this post