ഇന്ത്യക്കാർക്ക് പ്രത്യേകിച്ച് മലയാളികൾക്ക് ഏറ്റവും ഇഷ്ടപ്പെട്ട ഒന്നാണ് ചോറ്. ഒരു നേരത്തെങ്കിലും ഊണ് കഴിച്ചില്ലെങ്കിൽ മലയാളിക്ക് തൃപ്തി വരില്ല. ചോറ് നമ്മുടെ ഇഷ്ടആഹാരം ആയത് കൊണ്ട് തന്നെ ഇത് വയ്ക്കാൻ എല്ലാവർക്കും അറിയാം. എന്നാൽ ചോറ് വയ്ക്കുമ്പോൾ നമ്മൾ ചില തെറ്റുകൾ വരുത്താറുണ്ടെന്ന് പറഞ്ഞാൽ വിശ്വസിക്കാനാകുമോ?
അരി പാകം ചെയ്യുന്നതിന് മുൻപ് നന്നായി കഴുകിവൃത്തിയാക്കണം. പലരും ഒറ്റ വെള്ളത്തിലാണ് അരി കഴുകുന്നത്. ഇത് പാചകം ചെയ്യുമ്പോൾ അവ ഒട്ടിപ്പിടിക്കാൻ ഇടയാക്കും. ഇത് ഒഴിവാക്കാൻ നിങ്ങൾ ധാന്യങ്ങൾ കുറഞ്ഞത് 3-4 തവണ തണുത്ത വെള്ളത്തിനടിയിൽ കഴുകണം. ഇത് പാകം ചെയ്ത ചോറിനെ മൃദുവാക്കും.
വ്യത്യസ്ത തരം ധാന്യങ്ങൾക്ക് പ്രത്യേക ജല അനുപാതം ആവശ്യമാണ്. ഉദാഹരണത്തിന്, നീളമുള്ള അരിയുടെ കാര്യത്തിൽ, വെളുത്ത അരിക്ക് 2:1 വെള്ളം-അരി അനുപാതം ആവശ്യമാണ്.
ചെറിയ ധാന്യങ്ങൾക്ക് കൂടുതൽ വെള്ളം ആവശ്യമാണ്. ഇത് അവഗണിച്ചാൽ, വേവ് കുറഞ്ഞതും മൃദുവല്ലാത്തതുമായ ചോറാണ് ലഭിക്കുക. തവിട്ട് അരി, വെളുത്ത അരിയെക്കാൾ പാകം ചെയ്യാൻ കൂടുതൽ സമയമെടുക്കും. മട്ട അരി പാകം ചെയ്യുമ്പോൾ, വെള്ള അരിയിൽ ഉപയോഗിക്കുന്നതിനേക്കാൾ കാൽ കപ്പ് മുതൽ അര കപ്പ് വരെ കൂടുതൽ വെള്ളം ഉപയോഗിക്കണം. വെളുത്ത അരി പാകം ചെയ്യാൻ 15 മിനിറ്റ് ആണെങ്കിൽ തവിട്ട് അരിക്ക് 50 മിനിറ്റ് വേണ്ടി വന്നേക്കാം.
അരി പാകം ചെയ്യുന്നതിന് സമയമെടുക്കും. എന്ന് കരുതി ഉയർന്ന തീയിൽ വെക്കുന്നത് നല്ലതല്ല. അരി പാകം ചെയ്യാനുള്ള ഏറ്റവും നല്ല മാർഗം ആദ്യം വെള്ളം തിളപ്പിക്കുക, തീ കുറയ്ക്കുക, തുടർന്ന് കഴുകിയ അരി ചേർക്കുക എന്നതാണ്. പാകം ചെയ്തുകഴിഞ്ഞാൽ ചോറ് വാർക്കാതെ 5 മിനിറ്റ് വയ്ക്കുക.
