വിവിധ കാരണങ്ങളാൽ ടെൻഷനും മാനസിക സംഘർഷവുമെല്ലാം അനുഭവിക്കുന്നവരാണ് നമ്മൾ. അധികമായാൽ ഇവയെല്ലാം നമ്മുടെ ശാരീരിക മാനസിക ആരോഗ്യത്തെ ബാധിക്കും. ഇത് മനസ്സിലാക്കി ടെൻഷനും സമ്മർദ്ദവുമെല്ലാം നിയന്ത്രിക്കാൻ ചിലർ ശ്രമിക്കും. എന്നാൽ മറ്റ് ചിലർക്കാകട്ടെ ഇതിന് കഴിയുകയില്ല. അത്തരക്കാർക്ക് ഈ പ്രശ്നം നേരിടാൻ അൽപ്പം മധുരമാകാം. അതായത് ഡാർക്ക് ചോക്ലേറ്റ് കഴിക്കാം.
70 ശതമാനവും കൊക്കേ അടങ്ങുന്നതാണ് ഡാർക്ക് ചോക്ലേറ്റ്. 100 ഗ്രാം ഡാർക്ക് ചോക്ലേറ്റിൽ 11 ഗ്രാം ഫൈബർ, 67 ഗ്രാം ഇരുമ്പ്, 58 ഗ്രാം മഗ്നീഷ്യം, 89 ഗ്രാം ചെമ്പ്, 98 ഗ്രാം മാംഗനീസ് എന്നിവ അടങ്ങിയിട്ടുണ്ട്. എല്ലാ ദിവസവും ഡാർക്ക് ചോക്ലേറ്റ് കഴിക്കാം. 40 ഗ്രാം ഡാർക്ക് ചോക്ലേറ്റ് നിത്യവും കഴിക്കുന്നത് നിരവധി ആരോഗ്യ ഗുണങ്ങൾ ആണ് നൽകുന്നത് എന്നാണ് വിദഗ്ധർ പറയുന്നത്. ഇനി എങ്ങനെയാണ് ഡാർക്ക് ചോക്ലേറ്റ് സമ്മർദ്ദം അകറ്റുന്നത് എന്ന് നോക്കാം.
സമ്മർദ്ദം അകറ്റാൻ നമ്മുടെ ശരീരത്തെ സഹായിക്കുന്ന ഒന്നാണ് ഫ്ളവനോയിഡ്. ഡാർക്ക് ചോക്ലേറ്റ് ഫ്ളവനോയിഡുകളാൽ സമ്പുഷ്ടമാണ്. ഇത് സ്ട്രെസ് ഹോർമോണായ കോർട്ടിസോളിനെ നിയന്ത്രിക്കുന്നു. അതുവഴി നമ്മുടെ മാനസികാവസ്ഥയും മെച്ചപ്പെടുന്നു. തുടർച്ചയായി രണ്ട് ആഴ്ച ഡാർക്ക് ചോക്ലേറ്റ് കഴിക്കുന്നത് ഉത്കണ്ഡ കുറയ്ക്കാൻ ഉതകുമെന്ന് പഠനങ്ങൾ തെളിയിച്ചിട്ടുണ്ട്.
ബ്ലഡ് ഫ്ളോ വർദ്ധിപ്പിക്കാൻ ഡാർക്ക് ചോക്ലേറ്റിന് കഴിയും. ഇത് വഴി സമ്മർദ്ദം കുറയും. അതിനാൽ പിബി ഉള്ളവർ ഡാർക്ക് ചോക്ലേറ്റ് ശീലമാക്കുന്നത് നന്നായിരിക്കും. മസ്തിഷ്കത്തിലെ എൻഡോർഫിൻ, സെറോടോണിൻ എന്നിവയുടെ ഉൽപാദനത്തെ ഉത്തേജിപ്പിക്കുന്ന സംയുക്തങ്ങൾ ഡാർക്ക് ചോക്ലേറ്റിൽ അടങ്ങിയിരിക്കുന്നു. ഇത് നമുക്ക് എല്ലായ്പ്പോഴും സന്തോഷകരമായ മാനസികാവസ്ഥ നൽകും. ഡാർക്ക് ചോക്ലേറ്റ് പതിവായി കഴിക്കുന്നത് ശ്രദ്ധയും ഓർമ്മശക്തിയും വർധിപ്പിക്കുമെന്ന് പഠനങ്ങൾ വ്യക്തനമാക്കുന്നുണ്ട്.
മാനസിക സമ്മർദ്ദം കുറഞ്ഞാൽ അത് നമ്മുടെ ശരീരത്തിൽ വലിയ മാറ്റങ്ങൾ ആകും ഉണ്ടാക്കുക. രക്തസമ്മർദ്ദത്തിന്റെ അളവും രക്തത്തിലെ പഞ്ചസാരയുടെ അളവും നിയന്ത്രണത്തിലാകുമെന്നതിനാൽ പൊണ്ണത്തടിയുള്ളവരിൽ ശരീരഭാരം കുറയാൻ ആരംഭിക്കും. ഡാർക്ക് ചോക്ലേറ്റ് നിത്യവും കഴിക്കുന്നവർക്ക് ഭക്ഷണത്തോടുള്ള ആസക്തി കുറവായിരിക്കും. ആന്റി ഓക്സിഡന്റുകളാൽ സമ്പന്നമാണ് ഡാർക്ക് ചോക്ലേറ്റ്. അതുകൊണ്ട് തന്നെ ക്യാൻസറിനെ പ്രതിരോധിക്കുന്നു. ശരീരത്തെ ദോഷകരമായ രശ്മികളിൽ നിന്നും സംരക്ഷിക്കാൻ ഡാർക്ക് ചോക്ലേറ്റിന് കഴിവുണ്ട്.
Discussion about this post