കൊച്ചി; വിവിധഭാഷാ തൊഴിലാളികളുടെ മകളായ 12 വയസുകാരിയെ തട്ടിക്കൊണ്ടുപോയ സംഭവത്തിൽ യുവാവ് അറസ്റ്റിൽ. പശ്ചിമബംഗാൾ മൂർഷിദാബാദ് സ്വദേശി മാണിക് (18 ) ആണ് അറസ്റ്റിലായത്.
ഞായറാഴ്ച വൈകീട്ട് 5 മണിയോടെയാണ് പെൺകുട്ടിയെ കാണാതായത്. തുടർന്ന് നടത്തിയ പരിശോധനയിൽ അങ്കമാലിയിൽ നിന്നാണ് കുഞ്ഞിനെ കണ്ടെത്തിയത്. വൈകുന്നേരം കടയിൽ സാധനങ്ങൾ വാങ്ങാൻ പോയ പെൺകുട്ടിയെ 6 മണിയായിട്ടും കാണാഞ്ഞതിനെ തുടർന്നാണ് മാതാപിതാക്കൾ പോലീസിൽ പരാതി നൽകിയത്.
പെൺകുട്ടിയെ വിവാഹം കഴിക്കണമെന്ന ഉദ്ദേശത്തോടെ മാണിക് പെൺകുട്ടിയെ നിർബന്ധപൂർവ്വം കൊണ്ടുപോകുകയായിരുന്നു. ഫോണിലൂടെയും നേരിട്ടും പെൺകുട്ടിയെ പിന്തുടർന്ന് സൗഹൃദം സ്ഥാപിച്ചശേഷം നിർബന്ധിച്ചാണ് കൂട്ടിക്കൊണ്ടുപോയത്. ഇയാളുമായി പെൺകുട്ടി രണ്ടുവർഷത്തിലേറെയായി പ്രണയത്തിലാണെന്നും പോലീസ് വ്യക്തമാക്കി.
