കോട്ടയം : നൂറ്റാണ്ടുകൾ പഴക്കമുള്ള കിണർ കണ്ടെത്തി . മണാർകാട് പള്ളിക്ക് സമീപമുള്ള റോഡിലാണ് പഴക്കമുള്ള കിണർ കണ്ടെത്തിയത്. ടിപ്പറിന്റെ ടയർ റോഡിൽ താഴ്ന്നുപോയപ്പോഴാണ് കിണർ കണ്ടെത്തിയത്.
വ്യാഴാഴ്ചയാണ് സംഭവം. കാറിന് സൈഡ് കൊടുത്തപ്പോൾ അതുവഴി വന്ന ടിപ്പറിന്റെ ടയർ റോഡിൽ താഴ്ന്നിരുന്നു.അൽപ്പസമയത്തിന് ശേഷം ആ ഭാഗത്തെ മണ്ണും കല്ലും അടർന്നു താഴേക്കു പോയി. തുടർന്നാണ് കിണർ കാണപ്പെട്ടത്.
കുറെ കാലം മുൻപ് ഇവിടെ ചായക്കട ഉണ്ടായിരുന്നതായി നാട്ടുകാർ പറഞ്ഞു. അവിടത്തെ കിണർ ആയിരുന്നു ഇത് എന്നാണ് വിവരം. നാട്ടുകാർ ചേർന്ന് കല്ലും മണ്ണും ഉപയോഗിച്ച് കിണർ നികത്തി.
