ആലപ്പുഴ: കാമുകന്റെ വീട് കയറി ആക്രമിച്ച് മുന് കാമുകന് യുവതിയെ തട്ടിക്കൊണ്ടു പോയതായി പരാതി.ആലപ്പുഴ രാമങ്കരിയില് ആണ് സംഭവം.. വേഴപ്ര അഞ്ചുമനയ്ക്കല് ആശാരിപറമ്പ് പാടശേഖരത്തിന് നടുവില് പുത്തന്പറമ്പ് വീട്ടില് താമസിക്കുന്ന ബൈജുവിനാണ് വെട്ടേറ്റത്. ഇയാൾ ആലപ്പുഴ മെഡിക്കല് കോളേജ് ആശുപത്രിയില് ഗുരുതരാവസ്ഥയില് ചികിത്സയിലാണ്.
വേഴപ്ര സ്വദേശിനിയായ യുവതിയുടെ മുന് കാമുകന് സുബില് (കുക്കു) ആണ് വെട്ടിയത്. തുടര്ന്ന് വീട്ടുകാരെയും നാട്ടുകാരെയും വടിവാള് വീശി ഭീഷണിപ്പെടുത്തി യുവതിയെ തട്ടിക്കൊണ്ടുപോയി.
ഇതിന് മുമ്പ് കലവൂര് എ.എന് കോളനിയില് താമസിക്കുന്ന മുൻ കാമുകൻ കുക്കുവിനൊപ്പമാണ് യുവതി കഴിഞ്ഞിരുന്നത്. പലപ്പോഴും ഇയാള് യുവതിയെ മര്ദിച്ചിരുന്നതായി പരാതിയുണ്ട്.പിന്നീട് രാമങ്കരി വേഴപ്രയിലെ വീട്ടിലേക്ക് യുവതി താമസം മാറ്റി. സമീപത്തുതന്നെയുള്ള അവിവാഹിതനായ ബൈജുവുമായി അടുപ്പത്തിലായ യുവതി കുറച്ചു ദിവസങ്ങളായി ഇയാള്ക്കൊപ്പമാണ് താമസിച്ചിരുന്നത്. വിവരമറിഞ്ഞ സുബില് ചൊവ്വാഴ്ച രാത്രി ബൈജുവിന്റെ വീട്ടിലെത്തി കമ്പിപ്പാരകൊണ്ട് കതക് കുത്തിപ്പൊളിച്ച് അകത്തു കയറി യുവതിയെ കൊല്ലാൻ ശ്രമിച്ചു.വെട്ട് തടയാൻ ശ്രമിച്ചപ്പോൾ ബൈജുവിന് വെട്ടേൽക്കുകയായിരുന്നു.
