ഈ വർഷം ഉത്തരകൊറിയയുടെ കലണ്ടറിലും ‘2025’ വരും : രാജ്യം 1912 വർഷം മുന്നോട്ട്

സോൾ; 2025 പിറക്കാൻ ഇനി മണിക്കൂറുകളുടെ കാത്തിരിപ്പ് മാത്രമാണ് ബാക്കിയുള്ളത്. പുതുവർഷത്തെ വരവേൽക്കാനുള്ള അവസാന വട്ട ഒരുക്കത്തിലാണ് ലോകമെങ്ങും. ഓരോ രാജ്യങ്ങളിലും വ്യത്യസ്ത സമയങ്ങളിലാണ് പുതുവർഷം എത്തുന്നത്. കിരിബാത്തി റിപ്പബ്ലിക്കിൽ സ്ഥിതി ചെയ്യുന്ന കിരിതിമാതി ദ്വീപിലാണ് ലോകത്തിൽ ആദ്യം പുതുവർഷം പിറക്കുക.

ഈ വർഷം ഉത്തരകൊറിയയ്ക്കും ഏറെ പ്രിയപ്പെട്ടതാണ്. കാരണം ഈ വർഷം മുതൽ മറ്റ് രാജ്യക്കാർ ഉപയോഗിക്കുന്ന കലണ്ടർ ഉത്തരകൊറിയയ്ക്കും ലഭിക്കും. ഇത്തവണ ഉത്തരകൊറിയ പുറത്തിറക്കുന്ന കലണ്ടറിൽ 2025 ആണ് വർഷം. കഴിഞ്ഞ വർഷം വരെ രാജ്യം പിന്തുടർന്ന രീതി അനുസരിച്ച് ഇത്തവണത്തെ കലണ്ടർ 113 ആയിരുന്നു. ജൂചെ കലണ്ടർ രീതി അനുസരിച്ചായിരുന്നു ഇത്. രാജ്യസ്ഥാപകൻ കിം ഇൽ സുങ് ജനിച്ച 1912 ആണ് ഈ ‘ജൂചെ കലണ്ടറി’ലെ ഒന്നാം വർഷം. ഈ കലണ്ടറാണ് ഇപ്പോൾ മാറ്റിയിരിക്കുന്നത്.

ജുചെ യുഗത്തെ അടിസ്ഥാനമാക്കിയുള്ള വർഷങ്ങൾ ഉത്തര കൊറിയയിൽ ഉപയോഗിക്കുന്ന ഒരു ബദൽ ഡേറ്റിംഗ് സംവിധാനമാണ് ജുചെ കലണ്ടർ.യേശുക്രിസ്തുവിന്റെ ജനനം അനുസരിച്ച് വർഷം 1-ൽ ആരംഭിക്കുന്ന ഗ്രിഗോറിയൻ കലണ്ടറിൽ നിന്ന് വ്യത്യസ്തമായി, കിം ഇൽ സുങ്ങിന്റെ ജനന വർഷമായ 1912 മുതൽ ജൂചെ കലണ്ടർ ആരംഭിക്കുന്നു. ഉത്തര കൊറിയയുടെ സ്ഥാപകാണ് കിം ഇൽ സുങ്.

ഉത്തരകൊറിയയിൽ ഗ്രിഗോറിയൻ കലണ്ടർ പൂർണ്ണമായും ഒഴിവാക്കിയിട്ടില്ല, ഔദ്യോഗിക രേഖകളിൽ പോലും ജൂഷെ കലണ്ടറുമായി ചേർന്നാണ് ഇത് ഇപ്പോഴും ഉപയോഗിക്കുന്നത്. എന്നിരുന്നാലും, പ്രധാനപ്പെട്ട നിയമങ്ങളുണ്ട്.1912 ഉൾപ്പെടെ അല്ലെങ്കിൽ അതിനു ശേഷമുള്ള ഏത് തീയതിക്കും, തീയതി രണ്ട് ഫോർമാറ്റുകളിൽ ഒന്നിൽ എഴുതണം: മെയ് 22, ജൂഷെ 113 (2024), അല്ലെങ്കിൽ മെയ് 22, ജൂചെ 113 എന്നിങ്ങനെ .ജൂചെ 0 ഇല്ല. 1912-ന് മുമ്പുള്ള വർഷങ്ങൾ (ജൂച്ചെ 1) ഗ്രിഗോറിയൻ കലണ്ടർ പ്രകാരം എഴുതുന്നത് തുടരുന്നു, ‘ജൂച്ചെക്ക് മുമ്പ്’ അല്ലെങ്കിൽ സമാനമായ ആശയം ഇല്ല.