കൊല്ലത്ത് പാമ്പുകടിയേറ്റ് വയോധികൻ മരിച്ചു,പിന്നാലെ പാമ്പുപിടുത്തക്കാരനെയും കൊന്ന് മൂർഖൻ

കൊല്ലം: കൊല്ലത്ത് രണ്ട് പേർ പാമ്പുകടിയേറ്റ് മരിച്ചു. പാമ്പുകടിയേറ്റ് മരിച്ചയാളുടെ വീടിന്റെ പരിസരം വൃത്തിയാക്കി തിരച്ചിൽ നടത്തുന്നതിനിടെയാണ് പാമ്പുപിടുത്തക്കാരൻ പാമ്പുകടിയേറ്റ് മരിച്ചത്.അതീവ ഗുരുതരാവസ്ഥയിൽ കൊട്ടിയത്തെ സ്വകാര്യ ആശുപത്രിയിൽ പ്രവേശിപ്പിച്ച പാമ്പുപിടിത്തക്കാരൻ ഏരൂർ സൗമ്യ ഭവനിൽ സജു രാജൻ (38) ആണ് മരിച്ചത്.

ഈ കഴിഞ്ഞ 24 ന് ആണ് ഏരൂർ തെക്കേവയൽ കോളനിയ്ക്ക് സമീപം, മൂർഖന്റെ കടിയേറ്റ് പരിസരവാസിയായ രാമചന്ദ്രൻ(65) മരിച്ചത്. തുടർന്ന് പരിസരം വൃത്തിയാക്കി തിരച്ചിൽ നടത്തുന്നതിനിടെയാണു സജുവിനെ പാമ്പ് കടിച്ചത്. മൂർഖനെ സജു പിടികൂടി ബന്ധിച്ചെങ്കിലും അബദ്ധത്തിൽ കടിയേൽക്കുകയായിരുന്നു.