ഒരാളുമായി സംസാരിക്കുന്നതിനിടെ എന്തെങ്കിലും പിരിമുറുക്കം തോന്നാറുണ്ടോ… ചിലർ ഒരു വാക്കു പോലും പറയാതെ നിങ്ങളിൽ നിന്നും അകന്ന് പോവാറുണ്ടോ.. പരുഷമായി ഒന്നും നിങ്ങളോട് പറഞ്ഞില്ലെങ്കിലും നിങ്ങൾക്കിടയിൽ എന്തോ ഒരു പ്രശ്നം ഉള്ളതായി നിങ്ങൾക്ക് തോന്നിയിട്ടുണ്ടാകും. ഈ തോന്നൽ തികച്ചും സാധാരണമാണ്.
ഒരാൾക്ക് നിങ്ങളെ ഇഷ്ടമല്ലെന്ന് അവരുടെ ശരീരഭാഷ കണ്ട് മനസിലാക്കാമെന്ന് മാനസികാരോഗ്യ വിദഗ്ധർ പറയുന്നു… എന്തൊക്കെയാണ് ഈ ലക്ഷണങ്ങൾ എന്ന് നോക്കാം..
1.
നേത്ര സമ്പർക്കം ഒഴിവാക്കൽ
ഒരാൾക്ക് നിങ്ങളെ ഇഷ്ടമല്ലെന്ന് മനസിലാക്കാൻ സാധിക്കുന്ന ലക്ഷണങ്ങളിൽ ആദ്യത്തേത് നിങ്ങളുമായുള്ള നേത്ര സമ്പർക്കം ഒഴിവാക്കുക എന്നതാണ്. ഈ പെരുമാറ്റം നിങ്ങളുമായുള്ള സംഭാഷണം ഒഴിവാക്കാനുള്ള ആഗ്രഹത്തെ സൂചിപ്പിക്കുന്നു. നിങ്ങളോട് സംസാരിക്കുമ്പോൾ ഒരാൾ ഇടയ്ക്കിടെ പുറത്തേക്ക് നോക്കുകയാണെങ്കിൽ, നിങ്ങളുമായി ഇടപഴകുന്നതിൽ അവർക്ക് അസ്വസ്ഥതയുണ്ടെന്നോ താൽപ്പര്യമില്ലെന്നോ ആണ് സൂചിപ്പിക്കുന്നത്.
2
ചുണ്ടുകൾ കൂട്ടിപ്പിടിക്കുന്നത്
നിങ്ങളുമായി സംസാരിക്കുമ്പോൾ ചുണ്ടുകൾ കൂട്ടിപ്പിടിക്കുന്നത്. ഇത്തരത്തിൽ ചുണ്ടു കൂട്ടിപ്പിടിക്കുന്നുണ്ടെങ്കിൽ അതിനർത്ഥം സംസാരത്തിൽ താത്പര്യമില്ലെന്നോ.. നിങ്ങളുമായി വിയോജിപ്പുണ്ടെന്നോ എല്ലാമാണ്. നിഷേധാത്മക വികാരങ്ങൾ പ്രകടിപ്പിക്കുന്നതാണ് ഈ പെരുമാറ്റം.
3
നിങ്ങളിൽ നിന്നും അകന്ന് നിൽക്കുകയാണെങ്കിൽ
ഒരു വ്യക്തിയുടെ ശരീരത്തിന്റെ സ്ഥാനവും നിങ്ങളുമായി സംസാരിക്കാനുള്ള താത്പര്യക്കുറവിനെ സൂചിപ്പിക്കുന്നു. നിങ്ങളിൽ നിന്നും അകലം പാലിച്ചുകൊണ്ടാണ് ഒരാൾ സംസാരിക്കുന്നതെങ്കിൽ, സംഭാഷണം തത്സമയം അവസാനിപ്പിക്കാൻ അവർ ആഗ്രഹിക്കുന്നു എന്നാണ് അർത്ഥം. അവരുടെ ശരീരം അകറ്റുകയോ അല്ലെങ്കിൽ മറ്റൊരു ദിശയിലേക്ക് അവരുടെ തോളുകൾ തിരിക്കുകയോ ചെയ്താൽ, അത് സംഭാഷണം അവസാനിപ്പിക്കാൻ ആഗ്രഹിക്കുന്നുവെന്ന് സൂചിപ്പിക്കാം.
4.
തടസ്സങ്ങൾ സൃഷ്ടിക്കൽ
ആരെങ്കിലും നിങ്ങളോട് സംസാരിക്കുമ്പോൾ ബാഗുകൾ പോലുള്ള വസ്തുക്കൾ വയ്ക്കുകയോ കൈകൾ രേകാസ് ചെയ്ത് പിടിക്കുകയോ ചെയ്യുകയാണെങ്കിൽ, അയാൾക്ക് നിങ്ങളോട് സംസാരിക്കാൻ താത്പര്യമില്ലെന്നാണ് അർത്ഥം.
5.
പരിമിതമായ പുഞ്ചിരിയും ഇടപഴകലും
പുഞ്ചിരിയുടെ അഭാവവും സംഭാഷണത്തിനിടയിലെ കുറഞ്ഞ ഇടപഴകലും താൽപ്പര്യമില്ലായ്മയെ സൂചിപ്പിക്കുന്നു. നിങ്ങൾ ഒരു ആവേശകരമായി സംസാരിക്കുകയും മറ്റേയാൾ ഭാവഭേദമില്ലാതെ ഇടപഴകുകയും ചെയ്യുന്നുണ്ടെങ്കിൽ ആ സംസാരത്തിൽ തുടരാൻ അവർക്ക് ഇഷ്ടമില്ലെന്ന് മനസിലാക്കാം.
