നിലവിലെ ഇന്ത്യയുടെ സാഹചര്യത്തിൽ ഭഗവദ്ഗീതയിലൂടെ ഭഗവാൻ കൃഷ്ണൻ പകർന്നു തന്ന സാരോപദേശങ്ങൾ ഏറെ അർത്ഥവത്താണ്. ഏതു വെല്ലുവിളികളെയും പ്രതിസന്ധി സാഹചര്യങ്ങളെയും മനശക്തിയോടെ നേരിടാൻ കൃഷ്ണന്റെ ഈ വാക്കുകൾ ഏതൊരു മനുഷ്യനെയും സഹായിക്കുന്നതാണ്.
എളുപ്പമുള്ള കാര്യങ്ങൾ മാത്രം ചെയ്യാതെ ശരിയായ കാര്യങ്ങൾ ചെയ്യാൻ ആണ് ഗീത ഉപദേശിക്കുന്നത്. യുദ്ധക്കളത്തിൽ ശരിയായ തീരുമാനമെടുക്കാൻ കഴിയാതെ അർജുനൻ പകച്ചു നിന്നപ്പോൾ കൃഷ്ണൻ പകർന്നു നൽകിയതും ഈ അറിവാണ്. ബുദ്ധിമുട്ടുള്ള കാര്യങ്ങളിൽ നിന്ന് ഓടിപ്പോയി എന്ന് കരുതി അത് ഇല്ലാതാകില്ല. കടമയ്ക്ക് പകരം സ്വന്തം സുഖസൗകര്യങ്ങൾ തിരഞ്ഞെടുക്കുന്നത് ജ്ഞാനമല്ല, അത് ഭയത്തിന്റെ മറ്റൊരു വേഷം മാത്രമാണ്. ശരിയായ പാത എല്ലായ്പ്പോഴും എളുപ്പമുള്ള ഒന്നല്ല. എളുപ്പമുള്ളത് എല്ലായ്പ്പോഴും ശരിയായിരിക്കണമെന്നില്ല എന്നും ഗീത നമ്മളെ ഓർമിപ്പിക്കുന്നു.
കുടുംബത്തോടുള്ള സ്നേഹത്തിനും ഒരു യോദ്ധാവെന്ന നിലയിലുള്ള കടമയ്ക്കും ഇടയിൽ അർജുനൻ തകർന്നു നിൽക്കുമ്പോൾ കൃഷ്ണൻ ഓർമിപ്പിച്ചു, വികാരങ്ങൾ നിങ്ങളുടെ തീരുമാനങ്ങളെ നിയന്ത്രിക്കാൻ അനുവദിക്കരുത്. അവയെ അനുഭവിക്കുക, അംഗീകരിക്കുക, പക്ഷേ അവയെ മാത്രം അടിസ്ഥാനമാക്കി തിരഞ്ഞെടുപ്പുകൾ നടത്തരുത്. മാർഗ്ഗമല്ല ലക്ഷ്യമാണ് പ്രധാനം എന്ന് അർജുനനെ ഉപദേശിച്ച കൃഷ്ണന്റെ അതേ വാക്കുകളാണ് നമ്മൾ എന്നും പിന്തുടരേണ്ടത്.
Discussion about this post