ഞങ്ങൾ മത്സരത്തിന്റെ സ്പിരിറ്റ് കൈവിടാതെ കളിച്ചു, എന്നാൽ ഇന്ത്യ കാണിച്ചത് മോശം പ്രവർത്തി; തുറന്നടിച്ച് ഹാരി ബ്രൂക്ക്

ലോർഡ്‌സിൽ നടന്ന മൂന്നാം ടെസ്റ്റിന്റെ മൂന്നാം ദിനം അവസാനിക്കുമ്പോൾ സാക്ക് ക്രാളിയെയും ബെൻ ഡക്കറ്റിനെയും ഇന്ത്യൻ താരങ്ങൾ അസഭ്യം പറഞ്ഞതും കളിയാക്കിയതും തങ്ങളുടെ ആവേശകരമായ വിജയത്തിൽ വലിയ പങ്കുവഹിച്ചുവെന്ന് ഇംഗ്ലണ്ട് സ്റ്റാർ ബാറ്റ്‌സ്മാൻ ഹാരി ബ്രൂക്ക് പറഞു . ആദ്യ ഇന്നിംഗ്‌സിൽ ഇരു ടീമുകളും 387 റൺസ് നേടി തുല്യത പാലിച്ചപ്പോൾ, മൂന്നാം ദിനം മത്സരം അവസാനിക്കാൻ കുറച്ച് മിനിറ്റുകൾ ബാക്കി നിൽക്കെ ഇംഗ്ലണ്ട് ഓപ്പണർമാർ ബറ്റ് ചെയ്യാൻ ഇറങ്ങി.

എന്നിരുന്നാലും, സാധാരണയായി ഇത്തരം സാഹചര്യങ്ങളിൽ സംഭവിക്കുന്നതുപോലെ, നേരിടേണ്ടിവരുന്ന ഓവറുകളുടെ എണ്ണം കുറയ്ക്കുന്നതിന് ക്രാളി സമയം പാഴാക്കുന്ന തന്ത്രങ്ങൾ ഉപയോഗിച്ചു, ഇത് ഇന്ത്യൻ കളിക്കാരെ ചൊടിപ്പിച്ചു. ക്യാപ്റ്റൻ ശുഭ്മാൻ ഗിൽ ഇംഗ്ലണ്ട് ഓപ്പണറുമായി ഉഗ്രമായ വാഗ്വാദം നടത്തി, ഒടുവിൽ ജസ്പ്രീത് ബുംറയുടെ ഒരേയൊരു ഓവർ മാത്രം എറിഞ്ഞ് ദിവസവും അവസാനിച്ചു.

അഞ്ചാം ദിവസം ഇംഗ്ലണ്ട് ഉയർത്തിയ 193 റൺ പിന്തുടർന്ന ഇന്ത്യ 170 റൺസിന് പുറത്താക്കുകയും ചെയ്തു. ലോർഡ്‌സിൽ ഇരു ടീമുകളുടെയും കളിക്കാർ തമ്മിലുള്ള സംഘർഷ നിമിഷങ്ങളെക്കുറിച്ച് ചോദിച്ചപ്പോൾ, നാലാം ടെസ്റ്റിന് മുന്നോടിയായി നടന്ന പത്രസമ്മേളനത്തിൽ ബ്രൂക്ക് പറഞ്ഞു.

“കളിയുടെ സ്പിരിറ്റിൽ കളിക്കാൻ ഞങ്ങൾ പരമാവധി ശ്രമിക്കുന്നു. ബുംറ ആ ഒറ്റ ഓവർ എറിഞ്ഞ ആ രാത്രിയിൽ അവരുടെ കളിക്കാർ ക്രാളിയെയും ഡക്കറ്റിനെയും കഠിനമായി ആക്രമിച്ചു. ഞങ്ങൾ അത് കണ്ടു, ഞങ്ങൾ വീണ്ടും വിലയിരുത്തി, അവർക്ക് തിരികെ പണി കൊടുക്കണം എന്ന് ഞങ്ങൾ ഉറപ്പിച്ചു.”

അദ്ദേഹം കൂട്ടിച്ചേർത്തു:

“അവർ ക്രാളിയെയും ഡക്കറ്റിനെയും സമീപിക്കുന്നത് ഞങ്ങൾ കണ്ടു. അതോടെ ഞങ്ങൾ ഒരു ചെറിയ സംഭാഷണം നടത്തി, ‘ഞങ്ങൾ ഒരു ടീമാണ്, അതിനാൽ നമുക്ക് പരസ്പരം യോജിപ്പിച്ച് ഒത്തുചേർന്ന് അവർക്ക് അത് തിരികെ നൽകാം’ എന്ന് ഞങ്ങൾ കരുതി. ഞങ്ങൾ ഫീൽഡ് ചെയ്യുമ്പോൾ 11 vs 2 ഉണ്ടായിരുന്നതായി തോന്നി, അത് നല്ല രസകരമായിരുന്നു. അത് ക്ഷീണിപ്പിക്കുന്നതായിരുന്നു, പക്ഷേ അത് ഫീൽഡിംഗിനെ കൂടുതൽ ആസ്വാദ്യകരമാക്കി.”

ലോർഡ്‌സിൽ നേടിയ 22 റൺസിന്റെ വിജയം ഇംഗ്ലണ്ടിനെ പരമ്പരയിൽ 2-1 ലീഡ് നേടാൻ സഹായിച്ചു.