ജമ്മുകശ്മീർ സംസ്ഥാന പദവി ബിൽ ലോക്സഭയിൽ അവതരിപ്പിച്ച് കേന്ദ്ര ആഭ്യന്തരമന്ത്രി അമിത് ഷാ. ഇതിന് പിന്നാലെ കേന്ദ്രഭരണപ്രദേശത്ത് ഉടനീളം അർദ്ധ സൈനിക വിഭാഗങ്ങളെ വിന്യസിച്ചതായാണ് റിപ്പോർട്ട്. ജമ്മു കശ്മീരിലെ ജനവാസ മേഖലകളിൽ നിന്ന് സൈന്യത്തെ ക്രമേണ പിൻവലിക്കുമെന്നും അങ്ങനെ കേന്ദ്ര റിസർവ് പോലീസ് സേന ആഭ്യന്തര സുരക്ഷാ ഉത്തരവാദിത്തങ്ങൾ ഏറ്റെടുക്കുമെന്നുമാണ് വിവരങ്ങൾ.
സിവിലിയൻ മേഖലകളിൽ രാഷ്ട്രീയ റൈഫിൾസിന് പകരം സിആർപിഎഫ് ആയിരിക്കും പ്രവർത്തിക്കുക, അതേസമയം അതിർത്തി കടന്നുള്ള ഭീഷണികളിൽ ശ്രദ്ധ കേന്ദ്രീകരിക്കുന്നതിനായി സൈന്യത്തിന്റെ കലാപ വിരുദ്ധ സേന ഇനി അതിർത്തി പ്രദേശങ്ങളിൽ മാത്രമായി പരിമിതപ്പെടുത്തും. പരിവർത്തനം സുഗമമാക്കുന്നതിനായി, സിആർപിഎഫിന്റെ നാല് അധിക ബറ്റാലിയനുകളെ ജമ്മു കശ്മീരിലേക്ക് അയച്ചിട്ടുണ്ട്.
‘സിവിലിയൻ പ്രദേശങ്ങളിൽ പരിശീലനം ലഭിച്ച അർദ്ധസൈനിക വിഭാഗങ്ങളുടെ സാന്നിധ്യം ഉറപ്പാക്കുന്നതിനൊപ്പം സുരക്ഷാ പ്രവർത്തനങ്ങൾ കാര്യക്ഷമമാക്കുക’ എന്നതാണ് ഈ നീക്കത്തിന്റെ ലക്ഷ്യമെന്നാണ് റിപ്പോർട്ടുകൾ. ആഭ്യന്തരമന്ത്രി അമിത് ഷാ ലോക്സഭയിൽ ജമ്മു കശ്മീർ സംസ്ഥാന പദവി ബിൽ അവതരിപ്പിച്ചതിനു പിന്നാലെയാണ് ഈ തീരുമാനം.
