മുൻ ഇന്ത്യൻ ഓൾറൗണ്ടർ ഇർഫാൻ പത്താൻ ടി20 ഐ ടീമിൽ സഞ്ജു സാംസണിന്റെ സ്ഥാനത്തെക്കുറിച്ച് ആശങ്ക പ്രകടിപ്പിച്ചുകൊണ്ട് രംഗത്ത്. ഗിൽ ടീമിലെത്തുന്നതിന് സഞ്ജു സാംസൺ ആയിരുന്നു അഭിഷേക് ശർമ്മയ്ക്ക് ഒപ്പം ഓപ്പൺ ചെയ്തിരുന്നത്. ഇരുവരും നല്ല കൂട്ടുകെട്ട് ആയി മുന്നേറുന്ന സമയത്താണ് ഗില്ലിന്റെ ടീമിലേക്കുള്ള എൻട്രി അതും ഉപനായകൻ എന്ന നിലയിൽ. ഇതോടെ സാംസണെ ബാറ്റിംഗ് ഓർഡറിൽ താഴേക്ക് മാറ്റാൻ ടീം നിർബന്ധിതരായി. ടീമിന് ബാറ്റിംഗിൽ ഡെപ്ത്ത് വരേണ്ടത് ആവശ്യം ആണെങ്കിൽ പോലും താരങ്ങളെ ഇടയ്ക്കിടെ ബാറ്റിംഗ് ഡെപ്ത്തിന്റെ പേരിൽ സ്ഥാനം മാറ്റുന്നത് നല്ലതിന് അല്ല എന്ന് പറയുകയാണ് ഇർഫാൻ പത്താൻ.
“ടി20 ക്രിക്കറ്റിൽ, ഓപ്പണർമാർ ഒഴികെ, ആർക്കും യഥാർത്ഥത്തിൽ ഒരു നിശ്ചിത സ്ഥാനമില്ലെന്നും വഴക്കം പ്രധാനമാണെന്നും എനിക്കറിയാം. എന്നാൽ വഴക്കത്തിന്റെ പേരിൽ, നിർവചിക്കപ്പെട്ട റോളുകൾ ഇടയ്ക്കിടെ മാറ്റി നിങ്ങൾ ഇലാസ്റ്റിക് ആകരുത്. ഇന്ത്യൻ ടീം ശരിക്കും ശ്രദ്ധിക്കേണ്ട കാര്യമാണിത്,” പത്താൻ മുന്നറിയിപ്പ് നൽകി.
“ഒരു കളിക്കാരന്റെ റോൾ ആവർത്തിച്ച് മാറ്റുമ്പോൾ, കാര്യങ്ങൾ സ്വാഭാവികമായി മാറുന്നു. ഏഷ്യാ കപ്പിൽ സഞ്ജു സാംസണ് സംഭവിച്ചത് അതാണ്. മൂന്ന് സെഞ്ച്വറികൾ നേടിയപ്പോൾ ഇന്നിംഗ്സ് ഓപ്പൺ ചെയ്തതോൽ നിന്ന് നിന്ന് വളരെ വ്യത്യസ്തമാണ് മധ്യനിരയിൽ ബാറ്റ് ചെയ്യുന്നത്. അതിന് വ്യത്യസ്തമായ ഒരു മാനസികാവസ്ഥയും ധാരാളം മാനസിക ശക്തിയും ആവശ്യമാണ്, ഒപ്പം ടീമിൽ നിന്നുള്ള ശക്തമായ പിന്തുണയും ആവശ്യമാണ്,” അദ്ദേഹം കൂട്ടിച്ചേർത്തു.
ടീം മാനേജ്‌മെന്റിൽ നിന്ന് സാംസണിന് ആവശ്യമായ പിന്തുണ ലഭിക്കുന്നുണ്ടെന്ന് പറയുമ്പോൾ പോലും ഒരു ആശങ്ക അദ്ദേഹം പറഞ്ഞു. “സഞ്ജു സാംസണിന് ഇപ്പോൾ ആ പിന്തുണ ലഭിക്കുന്നുണ്ടെന്ന് തോന്നുന്നു, കാരണം ശുഭ്മാൻ ഗിൽ ഒരു ഓപ്പണറായി തിരിച്ചെത്തിയിട്ടും, സാംസൺ ഇപ്പോഴും ടീമിൽ ഉൾപ്പെടുത്തിയിട്ടുണ്ട്, മധ്യനിരയിൽ ബാറ്റ് ചെയ്യാൻ അദ്ദേഹത്തെ അവർ വിശ്വസിക്കുന്നു. അദ്ദേഹത്തിന് ആവശ്യമായ പിന്തുണ ലഭിക്കുന്നുണ്ടെന്നതിൽ സംശയമില്ല. എന്നാൽ ഒരു കളിക്കാരന് തുടർച്ചയായി മൂന്നോ നാലോ പരാജയങ്ങൾ ഉണ്ടായാൽ ആ പിന്തുണ പെട്ടെന്ന് മങ്ങിപ്പോകും. സഞ്ജു സാംസണിന്റെ കാര്യത്തിൽ അത് സംഭവിക്കില്ലെന്ന് പ്രതീക്ഷിക്കാം,” അദ്ദേഹം പറഞ്ഞു.
Discussion about this post