ഐപിഎൽ ആരാധകർ പ്രത്യേകിച്ച് ചെന്നൈ ഫാൻസ് കാത്തിരുന്ന ആ പ്രഖ്യാപനം ചെന്നൈ സൂപ്പർ കിംഗ്സ് സിഇഒ കാശി വിശ്വനാഥൻ നടത്തിയിരിക്കുകയാണ്. വരാനിരിക്കുന്ന സീസണിൽ എം.എസ്. ധോണി ചെന്നൈക്ക് വേണ്ടി കളിക്കുമെന്ന് അദ്ദേഹം ഉറപ്പിച്ചു പറഞ്ഞു. ധോണി എന്നെന്നും ചെന്നൈ സൂപ്പർ കിംഗ്സിന്റെ ഭാഗമായിരിക്കുമെന്നും അദ്ദേഹം കൂട്ടിച്ചേർത്തു.
നിലവിലെ ക്യാപ്റ്റൻ ഋതുരാജ് ഗെയ്ക്വാദിനെ ധോണി വാർത്തെടുക്കുന്ന രീതി അതിമനോഹരമാണെന്ന് സിഇഒ അഭിപ്രായപ്പെട്ടു. ധോണിയുടെ കീഴിൽ റുതുരാജ് ഒരു മികച്ച നായകനായി വളരുന്നത് ടീമിന് വലിയ ഗുണമാണ് നൽകുന്നത്. ഋതുരാജിനെ ധോണി നൽകുന്ന പിന്തുണയും നിർദ്ദേശങ്ങളും ടീമിന്റെ ഭാവി സുരക്ഷിതമാക്കുന്നു.
ധോണിയുടെ ഇടപെടൽ എങ്ങനെ കളിക്കാരുടെ കരിയർ മാറ്റുന്നു എന്നതിന് ഉദാഹരണമായി ശിവം ദുബെയെ അദ്ദേഹം ചൂണ്ടിക്കാട്ടി. ചെന്നൈ ടീമിലെത്തിയ ശേഷം ദുബെയുടെ പ്രകടനത്തിലുണ്ടായ മാറ്റം ശ്രദ്ധേയമാണ്. ഇന്ത്യൻ ക്രിക്കറ്റിന് തന്നെ മുതൽക്കൂട്ടാകുന്ന രീതിയിൽ കളിക്കാരെ വളർത്തിയെടുക്കുന്നതിൽ ധോണി വലിയ സ്വാധീനം ചെലുത്തുന്നുണ്ടെന്നും സിഇഒ വ്യക്തമാക്കി.
Discussion about this post