ഇറാനും അമേരിക്കയും തമ്മിലുള്ള സമാധാന ചർച്ചകൾ വഴിമുട്ടിയതോടെ മിഡിൽ ഈസ്റ്റിൽ വീണ്ടുംയുദ്ധമേഘങ്ങൾ ശക്തമാകുന്നു. ഇറാനെതിരെ വീണ്ടും സൈനിക നീക്കത്തിന് അമേരിക്കതുനിഞ്ഞാൽ വൻ ‘സർപ്രൈസുകൾ’ നേരിടേണ്ടി വരുമെന്ന കടുത്ത മുന്നറിയിപ്പുമായി ഇറാൻവിദേശകാര്യ മന്ത്രി അബ്ബാസ് അരക്ചി രംഗത്തെത്തി.
അമേരിക്കൻ പ്രസിഡന്റ് ഡൊണാൾഡ് ട്രംപ് ഇറാനെതിരെ വൻ വ്യോമാക്രമണത്തിന് ഉത്തരവിടാൻമിനിറ്റുകൾ മാത്രം ബാക്കിനിൽക്കെ അത് താൽക്കാലികമായി മാറ്റിവെച്ചതായി പ്രഖ്യാപിച്ചതിന്തൊട്ടുപിന്നാലെയാണ് ഇറാന്റെ ഭാഗത്തുനിന്നും ഇത്തരമൊരു ശക്തമായ തിരിച്ചടി പ്രസ്താവനഉണ്ടായിരിക്കുന്നത്. കഴിഞ്ഞ ഫെബ്രുവരി മുതൽ തുടരുന്ന യുദ്ധത്തിൽ നിന്നും തങ്ങൾ പഠിച്ചപാഠങ്ങളും ആർജ്ജിച്ച അറിവുകളും വെച്ച് അമേരിക്കയെ ഞെട്ടിക്കുന്ന തരത്തിലുള്ള പ്രതിരോധതന്ത്രങ്ങളാകും ഇനി പ്രയോഗിക്കുകയെന്ന് ഇറാൻ വ്യക്തമാക്കി.
കഴിഞ്ഞ കുറച്ചു ദിവസങ്ങളായി അമേരിക്കയും ഇസ്രായേലും ചേർന്ന് ഇറാനെതിരെ ശക്തമായആക്രമണത്തിന് കോപ്പുകൂട്ടുകയായിരുന്നു. ഇറാനിൽ വലിയ രീതിയിലുള്ള ബോംബാക്രമണംപുനരാരംഭിക്കാൻ താൻ തീരുമാനത്തിന്റെ തൊട്ടരികിൽ വരെ എത്തിയിരുന്നുവെന്നും എന്നാൽഗൾഫ് രാജ്യങ്ങളുടെ അഭ്യർത്ഥന മാനിച്ചാണ് താൽക്കാലികമായി ആക്രമണം മാറ്റിവെച്ചതെന്നുമാണ്ഡൊണാൾഡ് ട്രംപ് വൈറ്റ് ഹൗസിൽ വാർത്താ സമ്മേളനത്തിൽ പറഞ്ഞത്.
ആണവ സമ്പുഷ്ടീകരണം പൂർണ്ണമായി നിർത്തണമെന്നും ശേഖരിച്ചുവെച്ചിരിക്കുന്ന ആണവസാമഗ്രികൾ അമേരിക്കയ്ക്ക് കൈമാറണമെന്നുമുള്ള കടുത്ത നിബന്ധനകൾ ഇറാൻതള്ളിയതോടെയാണ് ട്രംപ് ആക്രമണത്തിന് തയ്യാറെടുത്തത്. ചർച്ചകളിലൂടെ അനുകൂലമായ ഒരുകരാറിലെത്തിയില്ലെങ്കിൽ ഏത് നിമിഷവും ഇറാനെതിരെ സർവ്വ സന്നാഹങ്ങളുമായി വലിയതോതിലുള്ള വ്യോമാക്രമണം നടത്താൻ യുഎസ് സൈന്യത്തിന് ട്രംപ് നിർദ്ദേശം നൽകിയിട്ടുണ്ട്. ഇതിനൊപ്പം ഇറാനിലെ അടിസ്ഥാന സൗകര്യങ്ങളെല്ലാം വെറും രണ്ടു ദിവസം കൊണ്ട് തകർത്തുതരിപ്പണമാക്കാൻ അമേരിക്കയ്ക്ക് സാധിക്കുമെന്ന ഭീഷണിയും ട്രംപ് ഉയർത്തിയിരുന്നു.
എന്നാൽ ട്രംപിന്റെ ഈ ഭീഷണികൾക്ക് മുന്നിൽ ഭയന്ന് പിന്മാറില്ലെന്ന സന്ദേശമാണ് ഇറാൻവിദേശകാര്യ മന്ത്രി നൽകിയിരിക്കുന്നത്. അമേരിക്കൻ കോൺഗ്രഷണൽ റിസർച്ച് ഓഫീസിന്റെറിപ്പോർട്ട് ചൂണ്ടിക്കാണിച്ചുകൊണ്ട് ഫെബ്രുവരി അവസാനം മുതൽ ആരംഭിച്ച യുദ്ധത്തിൽഅമേരിക്കയുടെ അത്യാധുനിക എഫ്-35 (F-35) യുദ്ധവിമാനങ്ങൾ ഉൾപ്പെടെ 42 ഓളംവിമാനങ്ങളും ഡ്രോണുകളും ഇതിനകം തന്നെ തകർത്തു വീഴ്ത്താൻ ഇറാന് സാധിച്ചിട്ടുണ്ടെന്ന്അബ്ബാസ് അരക്ചി ഓർമ്മിപ്പിച്ചു. ലോകം ഏറെ പുകഴ്ത്തിയ എഫ്-35 യുദ്ധവിമാനം ആദ്യമായിവെടിവെച്ചിട്ടത് ഇറാന്റെ സൈന്യമാണെന്നും അദ്ദേഹം സോഷ്യൽ മീഡിയ പ്ലാറ്റ്ഫോമായ എക്സിലൂടെ(X) അവകാശപ്പെട്ടു. ഇനിയും യുദ്ധത്തിലേക്ക് തിരിച്ചുവരാനാണ് അമേരിക്കയുടെ ഭാവമെങ്കിൽഇതിലും വലിയ നഷ്ടങ്ങളും ആരും പ്രതീക്ഷിക്കാത്ത വൻ തിരിച്ചടികളും യുഎസ് സൈന്യത്തിന്നേരിടേണ്ടി വരുമെന്ന് ഇറാൻ ആർമി വക്താവ് മുഹമ്മദ് അക്രമിനിയയും മുന്നറിയിപ്പ് നൽകി.
ചൈനീസ് കെണിയിൽ വീണ് അമേരിക്ക വീണ്ടുമൊരു ആക്രമണത്തിന് മുതിർന്നാൽ പുതിയയുദ്ധമുഖങ്ങൾ തുറക്കുമെന്നാണ് സൈന്യത്തിന്റെ നിലപാട്.
അമേരിക്കൻ ഉപരോധത്തെ തുടർന്ന് തന്ത്രപ്രധാനമായ ഹോർമൂസ് കടലിടുക്കിലൂടെയുള്ള (Strait of Hormuz) കപ്പൽ ഗതാഗതം പൂർണ്ണമായും തടസ്സപ്പെടുത്താൻ ഇറാൻ നീക്കം ആരംഭിച്ചതോടെആഗോള തലത്തിൽ തന്നെ ഇന്ധന വില കുതിച്ചുയരുകയാണ്. കടലിനടിയിലൂടെ പോകുന്നഇന്റർനെറ്റ് ഡാറ്റാ കേബിളുകളുടെ നിയന്ത്രണം ഏറ്റെടുക്കുമെന്ന ഭീഷണിയും ഇറാൻഉയർത്തുന്നുണ്ട്. അമേരിക്കയിൽ നവംബറിൽ നടക്കാനിരിക്കുന്ന ഇടക്കാല തെരഞ്ഞെടുപ്പ്മുന്നിൽക്കണ്ട് ട്രംപ് നടത്തുന്ന യുദ്ധപ്രഖ്യാപനങ്ങൾ അമേരിക്കൻ സമ്പദ്വ്യവസ്ഥയെ കൂടുതൽതകർച്ചയിലേക്ക് നയിക്കുമെന്നും വലിയ സാമ്പത്തിക പ്രത്യാഘാതം അമേരിക്കൻ ജനതഅനുഭവിക്കേണ്ടി വരുമെന്നും ഇറാൻ മുന്നറിയിപ്പ് നൽകുന്നു. ചർച്ചകൾക്കായി ഗൾഫ് രാജ്യങ്ങൾഇടപെടുന്നുണ്ടെങ്കിലും ഇരുപക്ഷവും തങ്ങളുടെ നിലപാടുകളിൽ ഉറച്ചുനിൽക്കുന്നതിനാൽ മിഡിൽഈസ്റ്റിലെ സാഹചര്യം അതീവ ഗുരുതരമായി തുടരുകയാണ്.
