വർഷങ്ങളായി എം.എസ്. ധോണിയെക്കുറിച്ച് നമ്മൾ പറഞ്ഞ് കേട്ട ഒരു കഥ ആയിരുന്നു, അദ്ദേഹം ദിവസവും അഞ്ച് ലിറ്റർ പാൽ കുടിക്കുന്നു എന്നത്. ഒരു മനുഷ്യൻ ഒരു ദിവസം എങ്ങനെയാണ് ഇത്രയധികം പാൽ കുടിക്കുക? എന്നതായിരുന്നു അന്ന് തന്നെ നമ്മൾ ചിന്തിച്ച ഒരു കാര്യം. കുറച്ചുനാൾ മുമ്പ് ഒരു പ്രമോഷണൽ പരിപാടിയിൽ, ചെന്നൈ സൂപ്പർ കിംഗ്സ് (സി.എസ്.കെ) ക്യാപ്റ്റനോട് തന്നെക്കുറിച്ച് കേട്ടിട്ടുള്ളതിൽ വച്ച് ഏറ്റവും വിചിത്രമായ കിംവദന്തിയെക്കുറിച്ച് ചോദിച്ചു.
“ഞാൻ ഒരു ദിവസം 5 ലിറ്റർ പാൽ കുടിക്കും” എന്നുള്ള കഥയാണ് തന്നെ ഞെട്ടിച്ച വിചിത്രമായ കിംവദന്തി എന്ന് ധോണി പറഞ്ഞു. എന്തായിരുന്നു ആ കഥക്ക് പിന്നിൽ ഉള്ള സത്യം എന്നും ധോണി വെളിപ്പെടുത്തി. “ഞാൻ ദിവസം മുഴുവൻ ഒരു ലിറ്റർ പാൽ കുടിച്ചിരുന്നു, പക്ഷേ നാല് ലിറ്റർ – അത് ആർക്കും പറ്റില്ല” എന്ന് അദ്ദേഹം കൂട്ടിച്ചേർത്തു.
എന്തായാലും ധോണിയുടെ ഈ 5 ലിറ്റർ പാലുകുടി കഥ ഒരു സമയത്ത് ഏവരും വിശ്വസിച്ച ഒരു തലമുറയെ മുഴുവൻ അതിശയിപ്പിച്ച ഒന്നായിരുന്നു. സിദ്ധു അമ്പയറിന്റെ തല തല്ലി പൊളിച്ചെന്നും, ജയസൂര്യയുടെ ബാറ്റിൽ സ്പ്രിങ് ഉണ്ടെന്നും അത് അമ്പയർ ഗ്രൗണ്ടിൽ വെച്ച് കണ്ടെന്നും ഉൾപ്പടെ ഉള്ള കഥകൾ വിശ്വസിച്ചത് പോലെ ഒന്നായി ഇതും.
നിലവിൽ ചെന്നൈ സൂപ്പർ കിങ്സിന്റെ ഭാഗമായി നിൽക്കുന്ന ധോണി ഈ സീസണിൽ ഒരു മത്സരം പോലും കളിച്ചിരുന്നില്ല. അതിനിടയിൽ ടീമുമായി താരം ഉണ്ടാക്കിയെന്നും അടുതെ സീസണിലും കളിക്കില്ല എന്ന വാർത്തയും പുറത്ത് വരുന്നുണ്ട്.
