ചെന്നൈ: അന്തരിച്ച തമിഴ്നാട് മുഖ്യമന്ത്രി ജയലളിതയ്ക്ക് അനുശോചനം രേഖപ്പെടുത്തി ഉലകനായകന് കമല്ഹാസന് വിവാദത്തില് പെട്ടു. തമിഴില് ട്വിറ്ററിലൂടെയായിരുന്നു കമല്ഹാസന്റെ അനുശോചന സന്ദേശനം. ജയയുടെ ഒപ്പമുള്ളവരോട് സഹതാപം രേഖപ്പെടുത്തുന്നു എന്നതായിരുന്നു ട്വീറ്റിലെ വാചകങ്ങള്. ആശ്രിതരോട് സഹതാപം എന്ന വാക്ക് പരിഹാസ രൂപേണയാണെന്നും മര്യാദയില്ലാത്തതാണെന്നും വിമര്ശം വന്നു.
അറിവുണ്ടെങ്കിലും വാക്കില് മര്യാദയില്ലെങ്കില് എന്തു പ്രയോജനം എന്നായിരുന്നു ഒരാളുടെ ചോദ്യം. കമലിന്റെ ആരാധകനായതില് നാണക്കേട് തോന്നുന്നുവെന്നും അദ്ദേഹം കുറിക്കുന്നു. കമല്ഹാസനും ജയലളിതയും മുമ്പുണ്ടായിരുന്ന പിണക്കം സൂചിപ്പിച്ചായിരുന്നു പലരും വിമര്ശം ഉന്നയിച്ചത്.
ഉലകനായകന്റെ ട്വീറ്റ് വന്നതിന് പിന്നാലെ നിരവധി പേര് അദ്ദേഹത്തിനെതിരേ പ്രതിഷേധവുമായി സോഷ്യല് മീഡിയയില് രംഗത്തുണ്ട്. പലരും രൂക്ഷമായാണ് പ്രതികരിച്ചിരിക്കുന്നത്.
കമല്ഹാസന്റെ ‘വിശ്വരൂപം’ സിനിമയുടെ റിലീസുമായി ബന്ധപ്പെട്ട വിവാദമാണ് ഇരുവരുടെയും പിണക്കത്തിന് കാരണം. വിശ്വരൂപത്തിന്റെ റിലീസ് ജയലളിത മുഖ്യമന്ത്രിയായിരുന്ന കാലത്ത് തടഞ്ഞിരുന്നു. പിന്നീട് ഒരുപാട് നിയമ യുദ്ധത്തിലൂടെയാണ് ചിത്രം തമിഴ്നാട്ടില് റിലീസ് ചെയ്തത്. ഒരുവേള താന് രാജ്യം വിടുമെന്ന് വരെ കമല്ഹാസന് പ്രഖ്യാപിക്കുകയും ചെയ്ത സംഭവം വന് വാര്ത്തയായിരുന്നു. ഈ അകല്ച്ചയാണ് ഇത്തരമൊരു ട്വീറ്റില് കാരണമെന്നാണ് ജയലളിത ആരാധകരും എഐഎഡിഎംകെ പ്രവര്ത്തകരും കരുതുന്നത്. അതേസമയം ജയക്ക് ആദരാഞ്ജലിയര്പ്പിക്കാന് കമല്ഹാസന് എത്തിയിട്ടില്ല.
சார்ந்தோர் அனைவருக்கும் ஆழ்ந்த அனுதாபங்கள்.
— Kamal Haasan (@ikamalhaasan) December 6, 2016
Discussion about this post