സ്വപ്നങ്ങള്ക്ക് അതിരില്ല. അതിരില്ലാത്ത സ്വപ്നങ്ങളെ കയ്യെത്തിപ്പിടിക്കുമ്പോള് അതിന് ഭംഗിയേറും. സ്വപ്നങ്ങളുടെ നഗരമാണ് മുംബൈ. ഒന്നുമില്ലായ്മയില് നിന്നും രാജകീയതയിലേക്ക് പറന്നുയര്ന്ന, സിനിമയെ വെല്ലുന്ന നിരവധി ജീവിതകഥകള് പറയാനുണ്ട് ഈ നഗരത്തിന്. ആ കഥകളുടെ കൂട്ടത്തില് ഒരു കൊച്ചുസുന്ദരിയുടെ കഥ കൂടി ഇനി കേള്ക്കാം. ഇനിയും ഒരുപാട് സ്വപ്നങ്ങള് കാണാന് അവള്ക്ക് ധൈര്യമേകുന്ന സ്വപ്നതുല്യമായ ഒരു കഥ.
മുംബൈയിലെ ഏറ്റവും വലിയ ചേരികളിലൊന്നിലെ കൊച്ചുവീട്ടില് ജീവിച്ചിരുന്ന മലീഷ ഒരു സുപ്രഭാതത്തില് അവിടുത്തെ താരമായി മാറി. പ്രമുഖ സ്കിന്കെയര് ബ്രാന്ഡിന്റെ മുഖമായി തെരഞ്ഞെടുത്തതാണ് അവളുടെ ജീവിതം മാറ്റിമറിച്ചത്. ഫോറസ്റ്റ് എസന്ഷ്യല്സിന്റെ യുവതി സെലക്ഷന്സ് എന്ന പുതിയ ക്യാംപെയിനിന്റെ ഭാഗമായാണ് മലീഷയെ തെരഞ്ഞെടുത്തത്.
‘ഒരു ചെറിയ കുടിലില് നിന്നും അവള് ആകാശത്തേക്ക് കണ്ണ് മിഴിച്ചു. അവളുടെ സ്വപ്നങ്ങള് ഉയര്ന്നുപൊങ്ങുകയായിരുന്നു. അവളുടെയുള്ളം പറക്കാനുള്ള ആവേശത്തിലായിരുന്നു. സ്വപ്നം കാണുന്നതില് നിന്നും അത് നടപ്പില് വരുത്തുന്നയാളിലേക്ക് അവള് മാറി. ഒരു കൊച്ചു പെണ്കുട്ടിയുടെ ജീവിതത്തിലെ മാറ്റത്തിന്റെ ഈ ഘട്ടത്തെ ഞങ്ങളുടെ യുവതി സെലക്ഷന് ആദരിക്കുന്നു.’ മലീഷയെ ബ്രാന്ഡ് മുഖമായി അവതരിപ്പിച്ച് കൊണ്ടുള്ള വീഡിയോയുടെ തലക്കെട്ടായി ഫോറസ്റ്റ് എസന്ഷ്യല്സിന്റെ വെബ്സൈറ്റില് നല്കിയിട്ടുള്ള വാചകങ്ങളാണിത്.
Maleesha resides in a slum with her family in Bandra, Mumbai. She is an aspiring model n has two Hollywood movies offers in her kitty now!
Picked as a fashion model by Forest Essentials.
— JΛYΣƧΉ (@baldwhiner) May 20, 2023
ഫോറസ്റ്റ് എസന്ഷ്യല്സിന്റെ സ്റ്റോറിന്റെ വാതില്ക്കല് തന്നെ തന്റെ ഫോട്ടോയുള്ള പോസ്റ്ററുകള് കണ്ട് സന്തോഷത്താല് മതിമറക്കുന്ന മലീഷയുടെ വീഡിയോ വൈറലായിരിക്കുകയാണ്.
Discussion about this post