കാബൂൾ: അഫ്ഗാനിസ്ഥാന്റെ തലസ്ഥാനമായ കാബൂൾ നഗരത്തിൽ നടന്ന ചാവേർ ആക്രമണത്തിൽ 18 പേർ കൊല്ലപ്പെട്ടു. ശനിയാഴ്ച വൈകുന്നേരമാണ് നഗരത്തിലെ ഒരു പഠന കേന്ദ്രത്തിനു സമീപം ചാവേർ സ്വയം പൊട്ടിത്തെറിച്ചത്. മരിച്ചവരിൽ വിദ്യാർഥികളും ഉൾപ്പെടുന്നു. സ്ഫോടനത്തിൽ 57 പേർക്ക് പരിക്കേറ്റിട്ടുണ്ട്.
ഉന്നതവിദ്യാഭ്യാസത്തിന് പരിശീലനം നൽകുന്ന നഗരത്തിലെ ഒരു സ്ഥാപനത്തിലേക്ക് അതിക്രമിച്ചു കയറിയ ചാവേറിനെ സുരക്ഷാപരിശോധന തടഞ്ഞു. ഇതിൽ പ്രകോപിതനായ അക്രമി സ്വയം പൊട്ടിത്തെറിക്കുകയായിരുന്നു എന്ന സുരക്ഷാ ഉദ്യോഗസ്ഥർ വ്യക്തമാക്കുന്നു. സ്ഫോടനത്തിൽ മരിച്ചവരെ ഇനിയും തിരിച്ചറിഞ്ഞിട്ടില്ലാത്തതിനാലും, മൃതദേഹങ്ങൾക്കായി തിരച്ചിൽ നടക്കുന്നതിനാലും മരണസംഖ്യ ഉയർന്നേക്കാം എന്നും സർക്കാർ വക്താവ് അറിയിച്ചു.
സ്ഫോടനത്തിന് ഉത്തരവാദിത്വമേറ്റെടുത്ത് ഭീകരസംഘടനയായ ഇസ്ലാമിസ്റ്റ് രംഗത്തെത്തിയിട്ടുണ്ട്. അതേസമയം, കിഴക്കൻ അഫ്ഗാനിസ്ഥാനിൽ നടന്ന സുരക്ഷാസേനയുടെ ഓപ്പറേഷനിൽ, ഭീകര സംഘടനയായ അൽ ഖ്വയ്‌ദയുടെ ഗസ്നിയിലെ തലവൻ കൊല്ലപ്പെട്ടുവെന്ന് സൈനിക വൃത്തങ്ങൾ അറിയിച്ചു. തീവ്രവാദ സംഘടനകൾക്കെതിരെ വിട്ടുവീഴ്ചയില്ലാത്ത പോരാട്ടമാണ് അഫ്ഗാൻ സർക്കാർ ചെയ്യുന്നത്.
Discussion about this post