വാഗ്ദാനം ലംഘിച്ച് പിണറായി സർക്കാർ; പെട്ടിമുടിയിൽ ഇതു വരെ വീട് ലഭിച്ചത് എട്ട് പേർക്ക് മാത്രം, മരിച്ചവരുടെ കുടുംബങ്ങൾക്കുള്ള ധനസഹായവും സാങ്കേതികത്വം പറഞ്ഞ് മുടക്കുന്നു

ഇടുക്കി; പേമാരിയിൽ ദുരന്തം ഉരുൾപൊട്ടലായി പെയ്തിറങ്ങിയ പെട്ടിമുടിയിൽ വാഗ്ദാനം ലംഘിച്ച് പിണറായി സർക്കാർ. പെ​ട്ടി​മു​ടി ദു​ര​ന്ത​ത്തി​ൽ പെട്ട എട്ടുപേർക്ക് മാത്രമാണ് ഇതുവരെ വീട് ലഭിച്ചത്. അ​ർ​ഹ​രാ​യ മ​റ്റു​ള്ള​വ​ർ​ക്കും ഉ​ട​ൻ വീ​ട് ല​ഭി​ക്കു​മെ​ന്ന പ്ര​തീ​ക്ഷയിലാണ് ഇപ്പോഴും തൊഴിലാളികൾ.

സ​ർ​ക്കാ​ർ പ്ര​ഖ്യാ​പി​ച്ച ന​ഷ്​​ട​പ​രി​ഹാരവും ഇതുവരെ എല്ലാവർക്കും ലഭിച്ചിട്ടില്ല. ന​ഷ്​​ട​പ​രി​ഹാ​രം ഇ​നി ന​ൽ​കാ​നു​ള്ള​ത് 17 പേ​ർക്കാണ്. കാ​ണാ​താ​യ നാ​ലു​പേ​ർ ഉ​ൾ​പ്പെ​ടെ​യാ​ണി​ത്.

ദു​ര​ന്ത​ത്തി​ൽ മ​രി​ച്ച​വ​രു​ടെ ബ​ന്ധു​ക്ക​ൾ​ക്ക് 5 ല​ക്ഷം രൂ​പ​യാ​ണ് ധനസഹായം പ്രഖ്യാപിച്ചിരുന്നത്. എന്നാൽ സാങ്കേതികത്വം പറഞ്ഞ് പലർക്കും ഈ തുകയും തടയുകയാണ്. കാ​ണാ​താ​യ നാ​ലു പേ​രു​ടെ മ​ര​ണ സ​ർ​ട്ടി​ഫി​ക്ക​റ്റ് ല​ഭി​ക്കാ​ത്ത​തും ബാ​ക്കി​യു​ള്ള​വ​രു​ടെ അ​ന​ന്ത​രാ​വ​കാ​ശി​ക​ൾ സം​ബ​ന്ധി​ച്ച ത​ർ​ക്ക​വുമാണ് ധ​ന​സ​ഹാ​യം വി​ത​ര​ണം ചെ​യ്യാ​ൻ ത​ട​സ്സ​മാ​യി​രി​ക്കു​ന്ന​ത് എന്നാണ് അധികൃതർ നൽകുന്ന ന്യായീകരണം.