ഡൽഹി: തുടർച്ചയായി ഉണ്ടാകുന്ന രാഷ്ട്രീയ കൊലപാതകങ്ങളുടെ പശ്ചാത്തലത്തിൽ സംസ്ഥാന സർക്കാരിനെതിരെ രൂക്ഷവിമർശനവുമായി കേന്ദ്ര മന്ത്രി രാജീവ് ചന്ദ്രശേഖർ. സര്ക്കാര് നിഷ്ക്രിയമാണെന്നും കേരളം തീവ്രവാദികളുടെ പറുദീസയായി മാറുകയാണെന്നുമാണ് കേന്ദ്രമന്ത്രി രാജീവ് ചന്ദ്രശഖര് വിമര്ശിച്ചത്. ആലപ്പുഴ കൊലപാതകങ്ങളില് കേരള സർക്കാരിനോട് കേന്ദ്രം റിപ്പോര്ട്ട് തേടും.
കേരളത്തിൽ ഗുരുതരമായ ക്രമസമാധാന വീഴ്ചയെന്നാണ് കേന്ദ്ര ആഭ്യന്തരവകുപ്പിന്റെ പ്രാഥമിക വിലയിരുത്തല്. പിണറായിയുടെ ഭരണത്തില് കേരളത്തില് ക്രമസമാധാനം തകര്ന്നെന്ന് ബിജെപി ദേശീയ അധ്യക്ഷന് ജെ പി നദ്ദ കുറ്റപ്പെടുത്തി. ഒന്നരമാസത്തിനിടെ മൂന്ന് കൊലപാതകങ്ങളാണ് സംസ്ഥാനത്ത് നടന്നത്. പാലക്കാട് സംഭവത്തിന് ശേഷം ജാഗ്രതാ നിര്ദ്ദേശമുണ്ടായിട്ടും കൊലപാതകങ്ങള് ആവര്ത്തിച്ചു. പോലീസിന് വീഴ്ചയെന്ന വ്യാപക വിമര്ശനത്തിന് പിന്നാലെയാണ് കേന്ദ്രം ഇതേക്കുറിച്ച് റിപ്പോര്ട്ട് തേടുന്നത്. പ്രാഥമിക റിപ്പോര്ട്ട് ഉടന് ഗവര്ണ്ണറോട് ആവശ്യപ്പെടാനാണ് കേന്ദ്ര തീരുമാനം.
സംസ്ഥാനത്ത് ക്രമസമാധാന തകര്ച്ചയെന്ന വിമര്ശനവുമായി ബിജെപി ദേശീയ അധ്യക്ഷന് ജെപി നദ്ദയും രംഗത്തെത്തി. ക്രൂരത കൊണ്ട് ഭയപ്പെടുത്താനാവില്ലെന്നാണ് അദ്ദേഹം പറഞ്ഞത്. വിഷയം ദേശീയതലത്തിൽ ചർച്ചയാക്കാനാണ് ബിജെപിയുടെ തീരുമാനം. കൊലപാതകങ്ങളിൽ തീവ്രവാദ സംഘടനകൾക്ക് പങ്കുണ്ടോ എന്നും കേന്ദ്രം പരിശോധിക്കും.
Discussion about this post