കൊച്ചി: ആറ്റിങ്ങലിൽ എട്ട് വയസ്സുകാരിയെ അപമാനിച്ച സംഭവത്തിൽ ഒടുവിൽ പിങ്ക് പൊലീസ് ഉദ്യോഗസ്ഥയെ കൈവിട്ട് സർക്കാർ. കുട്ടിയെ അപമാനിച്ച സംഭവത്തില് നഷ്ടപരിഹാരം നൽകുന്നില്ലേയെന്ന് ഹൈക്കോടതി ഡിവിഷൻ ബെഞ്ച് സർക്കാരിനോട് ചോദിച്ചു. എന്നാല് അപമാനിച്ച പോലീസ് ഉദ്യോഗസ്ഥയാണ് നഷ്ടപരിഹാരം നല്കേണ്ടതെന്ന് സര്ക്കാര് ഹൈക്കോടതിയെ അറിയിക്കുകയായിരുന്നു.
അപമാനിതയായ പെണ്കുട്ടിക്ക് ഒന്നര ലക്ഷം രൂപ നഷ്ടപരിഹാരം നല്കാന് സര്ക്കാരിനോട് ഹൈക്കോടതി സിംഗിള് ബെഞ്ച് ഉത്തരവിട്ടിരുന്നു. ഇതിനെതിരെ സർക്കാർ ഡിവിഷൻ ബെഞ്ചിൽ അപ്പീൽ നൽകിയിരുന്നു. ഈ സാഹചര്യത്തിലായിരുന്നു സർക്കാരിനോട് കോടതി ചോദ്യം ഉന്നയിച്ചത്.
സര്ക്കാരിന്റെ വീഴ്ച കൊണ്ടല്ല ഇത്തരമൊരു സംഭവം ഉണ്ടായത് എന്നതായിരുന്നു സർക്കാരിന്റെ നിലപാട്. ഉദ്യോഗസ്ഥരുടെ വ്യക്തിപരമായ വീഴ്ചകള് സര്ക്കാരിന് ഏറ്റെടുക്കാനാവില്ലെന്നും സര്ക്കാര് കോടതിയിൽ വ്യക്തമാക്കി. ഇത് രേഖപ്പെടുത്തിയ കോടതി ഹര്ജി വേനലവധിക്ക് ശേഷം വിശദമായി വാദം കേള്ക്കുന്നതിനായി മാറ്റി വെച്ചു.
