സ്വീഡിഷ് വാഹന നിര്‍മ്മാതാക്കളായ വോൾവോ കാർസ് ഇന്ത്യയിലെ ആദ്യത്തെ ഇലക്ട്രിക് കാറായ XC40 റീചാർജ് എസ്‌യുവി ഇന്ത്യയിൽ അവതരിപ്പിക്കാനൊരുങ്ങുന്നു. ജൂലൈ 26 ന് ആണ് അവതരിപ്പിക്കുക. വോൾവോ ഈ വർഷം ആദ്യം ഇന്ത്യയിൽ നിലവിലുള്ള XC40 എസ്‌യുവിയുടെ ഇലക്ട്രിക് അവതാരമായ XC40 റീചാർജിനെ അടുത്തിടെ അനച്ഛാദനം ചെയ്‍തിരുന്നു.
സ്വീഡിഷ് കാർ നിർമ്മാതാവ് നേരത്തെ പ്രഖ്യാപിച്ചതുപോലെ XC40 റീചാർജ് ഇന്ത്യയിൽ പ്രാദേശികമായി അസംബിൾ ചെയ്യപ്പെടും. വോൾവോ XC40 റീചാർജിന്റെ പ്രാദേശിക അസംബ്ലി മൂലം വില കുറച്ച് മാർജിനിൽ കുറയ്ക്കാനാകും. ഈ കോംപാക്ട് ലക്ഷ്വറി ഇലക്ട്രിക് എസ്‌യുവി കർണാടകയിലെ ബെംഗളൂരുവിനടുത്തുള്ള കമ്പനിയുടെ ഹൊസകോട്ട് പ്ലാന്‍റിൽ ആയിരിക്കും അസംബിൾ ചെയ്യുക. വോൾവോ ഈ മാസം അവസാനം XC40 റീചാർജ് എസ്‌യുവിയുടെ ബുക്കിംഗ് ആരംഭിക്കുമെന്നാണ് പ്രതീക്ഷ.
എസ്‌യുവിയുടെ ഡെലിവറികൾ ഈ വർഷം ഉത്സവ സീസണോട് അടുത്ത് തുടങ്ങും. വിപണിയിലെ മറ്റ് പ്രീമിയം ഇലക്ട്രിക് കാറുകൾക്കിടയിൽ കിയ ഇവി6 പോലുള്ളവയ്ക്ക് ഇത് എതിരാളിയാകും. ഈ സ്വീഡിഷ് ഇലക്ട്രിക് എസ്‌യുവിയിൽ 78kWh ലിഥിയം-അയൺ ബാറ്ററി പായ്ക്ക് ഉണ്ട്. ഒറ്റ ചാർജിൽ ഏകദേശം 400 കിലോമീറ്റർ റേഞ്ച് നൽകാമെന്നും 150kW DC ഫാസ്റ്റ് ചാർജർ ഉപയോഗിച്ച് 40 മിനിറ്റിനുള്ളിൽ പൂജ്യം മുതൽ 80 ശതമാനം വരെ വർധിപ്പിക്കാമെന്നും വോൾവോയുടെ അവകാശവാദം.
ഇന്ത്യൻ വിപണിയിൽ അസംബിൾ ചെയ്യാൻ പോകുന്ന വോൾവോ XC40 റീചാർജ് ഇലക്ട്രിക് എസ്‌യുവി ആഗോള വിപണിയിൽ വിൽക്കുന്നതിന് സമാനമായിരിക്കും. അകത്ത്, വോൾവോ XC40 റീചാർജ് 12.3 ഇഞ്ച് ഡ്രൈവർ പൂർണ്ണമായും ഡിജിറ്റൽ സ്ക്രീനും ഗൂഗിളുമായി ഏകോപിപ്പിച്ച് വികസിപ്പിച്ചെടുത്ത പുതിയ 9.0 ഇഞ്ച് വെർട്ടിക്കൽ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റവും നൽകും.
വയർലെസ് ചാർജിംഗ്, പനോരമിക് സൺറൂഫ്, ഓട്ടോമാറ്റിക് ക്ലൈമറ്റ് കൺട്രോൾ, 360-ഡിഗ്രി ക്യാമറ എന്നിവ ഉൾപ്പെടുന്നു. ഇന്ത്യൻ ഉപഭോക്താക്കൾക്ക് വിൽക്കുന്ന യൂണിറ്റിന് 100 ശതമാനം തുകൽ രഹിത അപ്ഹോൾസ്റ്ററി ലഭിക്കും.
XC40 റീചാർജ് എസ്‌യുവിയുടെ ശ്രേണിയെ സംബന്ധിച്ചിടത്തോളം, ഒറ്റ ചാർജിൽ 418 കിലോമീറ്റർ WLTP റേഞ്ച് വരെ ലഭിക്കും. ഇലക്ട്രിക് എസ്‌യുവി 150 കിലോവാട്ട് ഡിസി ഫാസ്റ്റ് ചാർജിംഗ് യൂണിറ്റുകളെ പിന്തുണയ്ക്കുന്നു. ഇത് എക്സ് സി 40 ഇലക്ട്രിക് എസ്‌യുവിയെ വെറും 33 മിനിറ്റിനുള്ളിൽ 10 ശതമാനം മുതൽ 80 ശതമാനം വരെ റീചാർജ് ചെയ്യാൻ സാധിക്കും.
Discussion about this post