ഈ അഞ്ച് കാര്യങ്ങൾ ശ്രദ്ധിച്ചാൽ മതി ; നിങ്ങളുടെ കൊളസ്ട്രോൾ അളവ് കുറയ്ക്കാം ; ഹൃദയത്തിന്റെ ആരോഗ്യം മെച്ചപ്പെടുത്താം

ഉയർന്ന കൊളസ്ട്രോൾ എന്നാൽ തന്നെ വർദ്ധിച്ച ഹൃദ്രോഗ സാധ്യത എന്നാണ് അർത്ഥം. അതിനാൽ ഹൃദയത്തെ കാക്കാനായി കൊളസ്ട്രോൾ നില ആരോഗ്യകരമായി നിലനിർത്തേണ്ടത് അത്യാവശ്യമാണ്. ഇതിനായി നല്ല കൊളസ്ട്രോൾ ആയ എച്ച്ഡിഎൽ വർദ്ധിപ്പിക്കുകയും ചീത്ത കൊളസ്ട്രോൾ ആയ എൽഡിഎൽ കുറയ്ക്കുകയും ചെയ്യേണ്ടതാണ്. ജീവിതശൈലിയിൽ ചില ലളിതമായ മാറ്റങ്ങൾ വരുത്തുന്നതുവഴി കൊളസ്ട്രോൾ നില ആരോഗ്യകരമായ രീതിയിൽ മുന്നോട്ടു കൊണ്ടുപോകാൻ കഴിയും. കൊളസ്ട്രോളിനെ നിയന്ത്രണത്തിൽ ആക്കാനായി ജീവിതശൈലിയിൽ വരുത്തേണ്ട അഞ്ച് സുപ്രധാനമാറ്റങ്ങൾ ഏതൊക്കെയാണെന്ന് നോക്കാം.

1. പൂരിത കൊഴുപ്പ് കുറയ്ക്കുക

ചുവന്ന മാംസത്തിലും കൊഴുപ്പുള്ള പാലുൽപ്പന്നങ്ങളിലും കാണപ്പെടുന്ന പൂരിത കൊഴുപ്പുകൾ നിങ്ങളുടെ കൊളസ്‌ട്രോൾ വർദ്ധിപ്പിക്കുന്നതാണ് . പൂരിത കൊഴുപ്പുകളുടെ ഉപഭോഗം കുറയ്ക്കുന്നത് ലോ ഡെൻസിറ്റി ലിപ്പോപ്രോട്ടീൻ (LDL) അഥവാ ചീത്ത കൊളസ്ട്രോൾ കൊളസ്ട്രോൾ കുറയ്ക്കും.

2. ഒമേഗ-3 ഫാറ്റി ആസിഡുകൾ അടങ്ങിയ ഭക്ഷണങ്ങൾ കഴിക്കുക

ഒമേഗ-3 ഫാറ്റി ആസിഡുകൾ ഹൃദയത്തിന്റെ ആരോഗ്യത്തിന് ഏറെ ഗുണകരമാണ്. രക്തസമ്മർദ്ദം കുറയ്ക്കുന്നതിനും ഇത് സഹായിക്കുന്നതാണ്. ഒമേഗ-3 ഫാറ്റി ആസിഡുകൾ അടങ്ങിയ ഭക്ഷണങ്ങളിൽ സാൽമൺ, അയല, മത്തി, വാൽനട്ട്, ഫ്ളാക്സ് സീഡുകൾ എന്നിവ ഉൾപ്പെടുന്നു.

3. വ്യായാമം ചെയ്യുക

വ്യായാമം കൊളസ്ട്രോൾ നില മെച്ചപ്പെടുത്തും. മിതമായ ശാരീരിക പ്രവർത്തനങ്ങൾ ഉയർന്ന സാന്ദ്രതയുള്ള ലിപ്പോപ്രോട്ടീൻ (HDL) അഥവാ നല്ല കൊളസ്ട്രോൾ അളവ് കൊളസ്ട്രോൾ ഉയർത്താൻ സഹായിക്കും. ആരോഗ്യപരമായി ഭാരം കുറയ്ക്കുന്നതും കൊളസ്ട്രോൾ നില കുറയ്ക്കാനും ഹൃദയത്തിന്റെ ആരോഗ്യത്തിനും നല്ലതാണ്.

4. പുകവലി ഉപേക്ഷിക്കുക

പുകവലി നിർത്തുന്നത് നിങ്ങളുടെ HDL കൊളസ്‌ട്രോൾ നില മെച്ചപ്പെടുത്തുന്നു. നിർത്തിയാൽ ഏതാനും ദിവസങ്ങൾക്കുള്ളിൽ തന്നെ നിങ്ങളുടെ കൊളസ്ട്രോൾ അളവ് കുറയുകയും ഹൃദയമിടിപ്പ് സാധാരണ രീതിയിൽ ആവുകയും ചെയ്യുന്നതാണ്.
മൂന്ന് മാസത്തിനുള്ളിൽ നിങ്ങളുടെ രക്തചംക്രമണവും ശ്വാസകോശ പ്രവർത്തനവും മെച്ചപ്പെടാൻ തുടങ്ങും.

5. മിതമായ അളവിൽ മാത്രം മദ്യം കഴിക്കുക

മിതമായ മദ്യപാനം ഉയർന്ന അളവിലുള്ള HDL കൊളസ്‌ട്രോളുമായി ബന്ധപ്പെട്ടിരിക്കുന്നു.
ആരോഗ്യമുള്ള മുതിർന്നവർക്ക്, എല്ലാ പ്രായത്തിലുമുള്ള സ്ത്രീകൾക്കും 65 വയസ്സിനു മുകളിൽ പ്രായമുള്ള പുരുഷന്മാർക്കും ഒരു ദിവസം ഒരു ഡ്രിങ്ക് വരെയും 65 വയസും അതിൽ താഴെയുള്ള പുരുഷൻമാർക്കും ഒരു ദിവസം രണ്ട് ഡ്രിങ്ക്‌സ് വരെയും എന്നാണ് മിതമായ അളവിലുള്ള മദ്യം എന്നതുകൊണ്ട് അർത്ഥമാക്കുന്നത്.
അമിതമായ മദ്യപാനം ഉയർന്ന രക്തസമ്മർദ്ദം, ഹൃദയസ്തംഭനം, പക്ഷാഘാതം എന്നിവയുൾപ്പെടെയുള്ള ഗുരുതരമായ ആരോഗ്യപ്രശ്നങ്ങൾക്ക് ഇടയാക്കുമെന്ന് ഓർമ്മിക്കുക.