നമ്മളുടെ അടുക്കളയിൽ ഒഴിച്ചുകൂടാനാവാത്ത സുഗന്ധദ്രവ്യമാണ് ഇഞ്ചി. മണ്ണിനടിയിൽ ഉണ്ടാവുന്ന വെറും കിഴങ്ങല്ല ഇഞ്ചി, ഇത്രയേറെ ഔഷധഗുണങ്ങൾ ഉണ്ടോയെന്ന് നമ്മൾ ചിന്തിച്ച് പോകും. പല ചെറിയ ചെറിയ ശാരീരിക അസ്വസ്ഥതകൾക്കും മുത്തശ്ശിമാർ ഇഞ്ചി ഔധഷകൂട്ടുകൾക്കൊപ്പം നൽകാറുണ്ട്.
കേരളത്തിൽ വളരെ സമൃദ്ധമായി വളരുന്ന ഇഞ്ചിയിലെ മുഖ്യഘടകങ്ങൾ പ്രാ ട്ടീൻ, കാത്സ്യം, ഫോസ്ഫറസ് എന്നിവയാണ്. പലരോഗങ്ങളിൽ നിന്നും നമ്മെ സംരക്ഷിക്കാൻ കഴിയുന്ന ഒന്നാണ് ഇഞ്ചി. ഇഞ്ചിയിലടങ്ങിയിരിക്കുന്ന ചില സംയുക്തങ്ങൾ രോഗാണുക്കളെ അകറ്റി നിർത്താൻ സഹായിക്കുന്നു.
ഇഞ്ചിയിൽ അടങ്ങിയിരിക്കുന്ന ജിഞ്ചറോൾസ് എന്ന സംയുക്തം നമ്മുടെ വായയിലുണ്ടാവുന്ന ബാക്ടീരിയകളുടെ വളർച്ച തടയുകയും വായസംബന്ധമായ അസുഖങ്ങൾ തടയുന്നതിനും സഹായിക്കുന്നു. എല്ലാ ദിവസവും പുതുതായി അരിഞ്ഞ ഇഞ്ചി വായിലിട്ട് ചവയ്ക്കുന്നത് വായിലുണ്ടാവുന്ന വരൾച്ച ഇല്ലാതാക്കാനും ആരോഗ്യത്തോടെ ഇരിക്കാനും സഹായിക്കുന്നു.
അത് മാത്രമല്ല സൗന്ദര്യത്തിനും ഇഞ്ചി വളരെ ഉപകാരിയായി. ചർമ്മത്തിനും മുടിക്കുമെല്ലാം ആവശ്യകമായ ആന്റിഓക്സിഡന്റുകളുടെ കലവറയാണ് ഇഞ്ചി. ഫ്രീ റാഡിക്കലുകളുമായി പോരാടാൻ ശേഷിയുള്ള ജിഞ്ചറോൾ എന്ന ആന്റിഓക്സിഡന്റ് ഇതിൽ നിറഞ്ഞിരിക്കുന്നു. ഇഞ്ചി ചതച്ചെടുത്ത് ഇതിലേക്ക് നാരങ്ങ നീര് ചേർത്ത് കലർത്തുക. ഈ മിശ്രിതം നിങ്ങളുടെ മുഖത്ത് പുരട്ടാം. പ്രത്യേകിച്ച് കറുത്ത പാടുകൾ ഉള്ള ഭാഗങ്ങളിൽ പുരട്ടുക. ഉണങ്ങിയ ശേഷം ശുദ്ധമായി വെള്ളത്തിൽ കഴുകുക. ഇഞ്ചി, നാരങ്ങ നീരുമായി ചേരുമ്പോൾ, ഇത് ചർമ്മത്തിലെ കൊളാജൻ ഉൽപാദനത്തെ മെച്ചപ്പെടുത്തും.
മുഖത്തെ പ്രായമാകുന്ന ലക്ഷണങ്ങൾ പതുക്കെയാക്കാൻ
1 ടീസ്പൂൺ ഇഞ്ചി നീര് എടുത്ത് 1 ടീസ്പൂൺ റോസ് വാട്ടർ, 1/2 ഒരു ടീസ്പൂൺ തേൻ, 1 ടേബിൾ സ്പൂൺ ഓട്‌സ് പൊടി എന്നിവയോടൊപ്പം ചേർത്ത് കലർത്തുക. ഇത് നന്നായി കൂട്ടികലർത്തി മുഖത്തും കഴുത്തിലും തുല്യമായി പുരട്ടുക. 20 മിനിറ്റ് തുടരാൻ അനുവദിച്ചതിനു ശേഷം കഴുകിക്കളയുക.
മുഖക്കുരുവിന്
1 ടീസ്പൂൺ ചാർക്കോൾ പൊടിയോടൊപ്പം, 1/2 ഒരു ടീസ്പൂൺ ഇഞ്ചി നീര്, 1 ടീസ്പൂൺ കറ്റാർ വാഴ ജെൽ, 1 ടീസ്പൂൺ തേൻ എന്നിവയെല്ലാം എടുക്കുക. ഇതെല്ലാം യോജിപ്പിച്ച് 10-15 മിനിറ്റ് മുഖത്തിടുക, അതു കഴിഞ്ഞ് തണുത്ത വെള്ളത്തിൽ കഴുകാം.
തലമുടിയ്ക്ക്
പലവിധ ധാതുക്കൾ, വിറ്റാമിനുകൾ, ഫാറ്റി ആസിഡുകൾ എന്നിവയാൽ നിറഞ്ഞതാണ് ഇഞ്ചി. ഇതിന്റെ ഉപയോഗം നിങ്ങളുടെ തലമുടിയുടെ ആരോഗ്യം മെച്ചപ്പെടുത്തുന്നു. കുറച്ച് ഇഞ്ചി കഷ്ണങ്ങൾ ഒരു ബ്ലെൻഡറിലിട്ട് അതിലേക്ക് 3-4 ഇല കറ്റാർ വാഴ ജെൽ ചേർക്കുക.തുടർന്ന് ഈ ചേരുവ ഒരു മണിക്കൂർ മുടിയിൽ തേച്ചുപിടിപ്പശേഷം കഴുകി കളയാം.
