പത്തുദിവസത്തെ ദൗത്യത്തിന് ബഹിരാകാശത്തെത്തിയ സുനിതാ വില്യംസും ബച്ച് വിൽമോറും രണ്ട് മാസമായി ബഹിരാകാശ നിലയത്തില് തുടരുകയാണ്. റിപ്പോർട്ടുകൾ പ്രകാരം ഇവര് അടുത്ത വര്ഷം ആദ്യംവരെ നിലയത്തില് തുടരേണ്ടിവരും. ജൂണ് ആറിനാണ് നാസയുടെ ബോയിങ് സ്റ്റാര്ലൈനറില് സുനിതാ വില്യംസും ബച്ച് വിൽമോറും ബഹിരാകാശത്തെത്തിയത്. ജൂണ് 14ന് തിരിച്ചത്തേണ്ടതായിരുന്നു. എന്നാല് പേടകത്തിന്റെ തകരാറ് കാരണം മടക്കയാത്ര പലതവണ നീട്ടിവച്ചു.
എന്നാൽ ഇപ്പോഴിതാ ബഹിരാകാശ നിലയത്തിലെ തങ്ങളുടെ ജീവിതത്തെ കുറിച്ച് സംസാരിക്കുകയാണ് ഈ അസാമാന്യ പോരാളികൾ.
ആറ് കിടപ്പുമുറികളുള്ള വീടിൻ്റെ വലിപ്പമുള്ള സ്ഥലം ഒമ്പത് പേരുമായി പങ്കിടുകയാണ് ഇവർ ഇപ്പോൾ.
സുനിത വില്യംസ് അതിനെ തൻ്റെ “സന്തോഷകരമായ സ്ഥലം” എന്ന് വിളിക്കുന്നു, അവിടെയെത്തിയതിൽ തനിക്ക് “നന്ദിയുണ്ട്” എന്നാണ് വിൽമോർ പറയുന്നത് .എന്നിരുന്നാലും ഭൂമിയിൽ നിന്ന് 400 കിലോമീറ്റർ ഉയരത്തിൽ ആയിരിക്കുമ്പോൾ എങ്ങനെയാണ് അത് അനുഭവപ്പെടുന്നതെന്നും എങ്ങനെയാണ് യാത്രികർ വ്യായാമം ചെയ്യുകയും വസ്ത്രങ്ങൾ കഴുകുകയും ചെയ്യുന്നതെന്നും എന്താണ് കഴിക്കുന്നതെന്നും ബഹിരാകാശത്തെ മണം എന്താണെന്നുമൊക്കെയുള്ള വിചിത്രമായ സംശയങ്ങൾ പലർക്കും മനസിൽ തോന്നിയിട്ടുണ്ടാവും. എല്ലാത്തിനും ഉത്തരം നൽകുകയാണവർ.
ബഹിരാകാശത്ത് അകപ്പെട്ടു പോയെന്ന് വച്ച് വരുന്നത് വരട്ടെയെന്ന് കരുതി തോന്നിയത് പോലെയൊന്നും ജീവിക്കാൻ പറ്റില്ല. കൃത്യമായ ടൈം ടേബിൾ അനുസരിച്ച് ആണ് ഓരോ ദിവസത്തെയും ജീവിതം. രാവിലെ ആറരയോടെ യാത്രികർ ഉണരണം.ലോകത്തിലെ ഏറ്റവും മികച്ച സ്ലീപ്പിംഗ് ബാഗ് ഉള്ളതിനാൽ സുഖമായ ഉറക്കത്തിന് ശേഷമുള്ള ഉണരൽ.കമ്പാർട്ടുമെൻ്റുകളിൽ ലാപ്ടോപ്പുകൾ ഉള്ളതിനാൽ യാത്രികർക്ക് കുടുംബവുമായി സമ്പർക്കം പുലർത്താനും മറ്റും സാധിക്കും.ബഹിരാകാശ സഞ്ചാരികൾ ദിവസവും രണ്ട് മണിക്കൂർ വ്യായാമം ചെയ്യണം. സീറോ ഗ്രാവിറ്റിയിൽ ജീവിക്കുന്നതിൻ്റെ ഫലത്തെ പ്രതിരോധിക്കാൻ മൂന്ന് വ്യത്യസ്ത യന്ത്രങ്ങൾ സഹായിക്കുന്നു,
വിയർപ്പും മൂത്രവും റീസൈക്കിൾ ചെയ്ത് കുടിവെള്ളം ആക്കാനുള്ള സംവിധാനം ഉള്ള ശുചിമുറികൾ.കുളി കാക്കകുളി.ISS-ന് പരീക്ഷണങ്ങൾക്കായി ആറ് ലാബുകൾ ഉണ്ട്, യാത്രികരുടെ വെല്ലുവിളി നിറഞ്ഞ ഭൗതിക അന്തരീക്ഷത്തോടുള്ള പ്രതികരണം അളക്കാനാണ് ഇവയെല്ലാം. സ്വയം ഗിനിപ്പന്നികൾ എന്നാണ് യാത്രികർ വിശേഷിപ്പിക്കുന്നത്.
ഭൂമിയിൽ നമുക്ക് നിരവധി വ്യത്യസ്ത ഗന്ധങ്ങളുണ്ട്. എന്നാൽ ബഹിരാകാശത്ത് ഒരു മണം മാത്രമേയുള്ളൂ.ലോഹത്തിൻ്റെ ബന്ധമെന്ന് യാത്രികർ വ്യക്തമാക്കി.
അതേസമയം ദൗത്യം അനിശ്ചിതമായി നീളുമ്പോള് യാത്രികര്ക്ക് വലിയ ആരോഗ്യ പ്രശ്നങ്ങളുണ്ടാകുമെന്ന് ആശങ്ക ഉയര്ന്നിരുന്നു. മൈക്രോഗ്രാവിറ്റി കാരണം അസ്ഥിക്ഷയം ഉണ്ടാകുന്നതാണ് പ്രധാന പ്രശ്നം. അണുവികിരണം, പരിമിതമായ ജീവിത സാഹചര്യങ്ങള്, ഒറ്റപ്പെടല് എന്നിവയും വെല്ലുവിളികളാണ്. മൈക്രോഗ്രാവിറ്റി മൂലമുണ്ടാകുന്ന ഫ്ലൂയിഡ് റീഡിസ്ട്രിബ്യൂഷനാണ് ഏറ്റവും പ്രധാനപ്പെട്ടത്. ഇത് മുഖത്തെയും തലയോട്ടിയിലെയും വീക്കം വര്ധിപ്പിക്കും. ചിന്തിക്കാനും ഓര്മിക്കാനും തീരുമാനമെടുക്കാനുമുള്ള കഴിവുകളെ ബാധിക്കും. കോസ്മിക് റേഡിയേഷന് കാന്സറിനും കാരണമാകാം എന്നും റിപ്പോർട്ടുണ്ടായിരുന്നു.
