2025 ഏഷ്യാ കപ്പിന് മുന്നോടിയായി ഇന്ത്യൻ ടി20 ഐ ക്യാപ്റ്റൻ സൂര്യകുമാർ യാദവിനെ മുൻ ഇന്ത്യൻ സ്പിന്നർ മുരളി കാർത്തിക് പ്രശംസിച്ചു. നാളെ ടൂർണമെന്റ് ആരംഭിക്കും, ആതിഥേയരായ യുഎഇ, പാകിസ്ഥാൻ, ഒമാൻ എന്നിവർക്കൊപ്പം ഗ്രൂപ്പ് എയിലാണ് ഇന്ത്യ ഇറങ്ങുന്നത്. നിലവിലെ ഫോമിൽ ഇന്ത്യ എളുപ്പത്തിൽ അടുത്ത റൗണ്ടിൽ എത്തും എന്നാണ് കരുതുന്നത്.
ഇന്ന് ക്രിക്ക്ബസിൽ സംസാരിച്ച മുരളി കാർത്തിക്, പേസ് കുന്തമുനയായ ജസ്പ്രീത് ബുംറയ്‌ക്കൊപ്പം സൂര്യകുമാറിനെയും ടീമിന്റെ എക്സ്-ഫാക്ടറായി പ്രശംസിച്ചു.
“സൂര്യകുമാർ യാദവ്, ജസ്പ്രീത് ബുംറയ്‌ക്കൊപ്പം അദ്ദേഹം ടീമിന്റെ എക്സ് ഫാക്ടറാണ്. ബൗളിങ്ങിൽ ജസ്പ്രീത് ബുംറ എങ്ങനെയാണോ, അതുപോലെ തന്നെയാണ് ബാറ്റിംഗിൽ സൂര്യകുമാർ യാദവ്. അദ്ദേഹം മികച്ച പ്രകടനമാണ് നടത്തുന്നത്. അന്താരാഷ്ട്ര ടി20യിൽ അദ്ദേഹം മുൻനിര ബാറ്റ്‌സ്മാൻ ആയതിന്റെ ഒരു കാരണം അതാണ്. എന്നാൽ അദ്ദേഹത്തിന്റെ സ്വന്തം ഫോമും, ടി20 ലോകകപ്പ് വരുന്നതും, ഗൗതം ഗംഭീറുമായുള്ള അദ്ദേഹത്തിന്റെ സഖ്യവും ഈ ഏഷ്യാ കപ്പിൽ സൂക്ഷ്മപരിശോധനയ്ക്ക് വിധേയമാകും.”
“ബൂം ബൂം തിരിച്ചുവന്നിരിക്കുന്നു, അതൊരു വലിയ വാർത്ത ആണെന്ന് ഞാൻ കരുതുന്നു. അവൻ എത്ര മിടുക്കനായ താരം ആണെന്നും എത്ര പ്രതിഭാധനനായ ബൗളറാണെന്നും നമുക്കെല്ലാവർക്കും അറിയാം. ഏത് ടീമിൽ കളിക്കുമ്പോഴും ശ്രദ്ധിക്കേണ്ട ബൗളറാണ് അവൻ. അദ്ദേഹത്തിന്റെ അവസാന ടി20 മത്സരം ലോകകപ്പ് ഫൈനലായിരുന്നു, 2023 മുതൽ അദ്ദേഹം 35 ടി20 മത്സരങ്ങൾ കളിച്ചിട്ടുണ്ട്. അദ്ദേഹത്തിന്റെ ശരാശരി 14.29 ആണ്. അദ്ദേഹത്തിന്റെ തിരിച്ചുവരവ് ഇന്ത്യൻ ബൗളിംഗ് നിരയ്ക്ക് ലോകത്തെ ഒരു മുതൽക്കൂട്ടാക്കുന്നു.”
ബുംറ ഇന്ത്യയെ 70 ടി20 മത്സരങ്ങളിൽ പ്രതിനിധീകരിച്ചിട്ടുണ്ട്, 89 വിക്കറ്റുകൾ വീഴ്ത്തിയിട്ടുണ്ട്.
Discussion about this post