ഒരു കാരണവശാലും കുൽദീപിനെ കളത്തിലിറക്കരുത്, പകരം ആ താരത്തെ ഇന്ത്യ നാളെ കളിപ്പിക്കണം; ആവശ്യവുമായി ആകാശ് ചോപ്ര

ഓസ്ട്രേലിയക്കെതിരായ ആദ്യ ഏകദിനത്തിനുള്ള ഇന്ത്യയുടെ പ്ലെയിങ് ഇലവനിൽ സ്റ്റാർ സ്പിന്നർ കുൽദീപ് യാദവിന് പകരംവാഷിംഗ്ടൺ സുന്ദർ കളിക്കണം എന്ന ആവശ്യവുമായി മുൻ ഇന്ത്യൻ താരം ആകാശ് ചോപ്ര . പെർത്തിലെ സാഹചര്യങ്ങൾ ബാറ്റിംഗിന് അനുകൂലമല്ലെങ്കിലും കുൽദീപിനെ പോലെ ഒരു സ്പിന്നർക്ക് ഒന്നും ചെയ്യാനാകില്ല എന്നാണ് ചോപ്ര പറഞ്ഞത്.

ഇന്ത്യയും ഓസ്ട്രേലിയയും തമ്മിലുള്ള മൂന്ന് മത്സരങ്ങളുള്ള പരമ്പരയിലെ ആദ്യ ഏകദിനം നാളെ പെർത്തിൽ നടക്കും. 15 അംഗ ഇന്ത്യൻ ടീമിലെ മൂന്ന് സ്പിന്നർമാർ കുൽദീപ്, സുന്ദർ, അക്സർ പട്ടേൽ എന്നിവരാണ്. ‘ആകാഷ് ചോപ്ര’ എന്ന തന്റെ യൂട്യൂബ് ചാനലിൽ പങ്കിട്ട വീഡിയോയിൽ, പരമ്പരയിലെ ആദ്യ മത്സരത്തിൽ കുൽദീപിന് മുമ്പ് സുന്ദറിനെ കളിപ്പിക്കണമെന്ന് മുൻ ഇന്ത്യൻ ഓപ്പണർ ശുഭ്മാൻ ഗില്ലും കൂട്ടരും അഭിപ്രായപ്പെട്ടു.

“എട്ടാം നമ്പറിൽ ആരെ ഇന്ത്യ കളിപ്പിക്കും എന്നതിൽ എനിക്ക് സംശയമുണ്ട്. രണ്ട് ഓപ്ഷനുകളുണ്ട്. ഒന്നെങ്കിൽ കുൽദീപ് യാദവിനെ കളിപ്പിച്ച് 8 മുതൽ 11 വരെയുള്ള സ്ഥാനങ്ങളിൽ നാല് ബൗളർമാരെ ഇറക്കുക. അല്ലെങ്കിൽ എനിക്ക് വാഷിംഗ്ടൺ സുന്ദറിനെ ഇറക്കുക. നമ്മൾ പെർത്തിലാണ് കളിക്കുന്നത്. അവിടെ കൂടുതൽ ബൗൺസും പേസും ഉണ്ട്, ബാറ്റിംഗ് അൽപ്പം ബുദ്ധിമുട്ടാണ്. തുടക്കത്തിൽ തന്നെ രണ്ടോ മൂന്നോ വിക്കറ്റുകൾ പെട്ടെന്ന് നഷ്ടപ്പെട്ടേക്കാം. അങ്ങനെ സംഭവിച്ചാൽ, നിങ്ങൾക്ക് ബാറ്റിംഗ് ഡെപ്ത് ആവശ്യമായി വരും,” ചോപ്ര പറഞ്ഞു.

“പെർത്തിൽ സ്പിന്നിന് വലിയ പങ്ക് വഹിക്കുണ്ടോ? എനിക്ക് അങ്ങനെ തോന്നുന്നില്ല. നിങ്ങൾക്ക് ആറ് ബൗളർമാരെ തീർച്ചയായും വേണം. പെർത്തിലെ മത്സരത്തിൽ വാഷിംഗ്ടൺ സുന്ദറിനെ കളിപ്പിക്കണം. പെർത്തിലെ മത്സരത്തിനെക്കുറിച്ച് മാത്രമാണ് ഞാൻ ഇത് പറയുന്നത്. സിഡ്‌നിയെയും അഡലെയ്ഡിനെയും കുറിച്ച് നമ്മൾ വെവ്വേറെ സംസാരിക്കും. കുൽദീപിന് ഇത് അന്യായമാണെന്ന് എനിക്കറിയാം, പക്ഷേ അദ്ദേഹം നാളെ കളിക്കില്ല എന്ന് തോന്നുന്നു.” താരം പറഞ്ഞു നിർത്തി.

കുൽദീപ് യാദവ് 110 ഏകദിന ഇന്നിംഗ്‌സുകളിൽ നിന്ന് 26.44 ശരാശരിയിൽ 181 വിക്കറ്റുകൾ വീഴ്ത്തിയിട്ടുണ്ട്. വാഷിംഗ്ടൺ സുന്ദർ 20 ഏകദിന ഇന്നിംഗ്‌സുകളിൽ നിന്ന് 27.87 ശരാശരിയിൽ 24 വിക്കറ്റുകൾ നേടിയിട്ടുണ്ട്.