ഇന്ത്യൻ ക്രിക്കറ്റിലെ ‘കിംഗ്’ വിരാട് കോഹ്‌ലിയും ‘പ്രിൻസ്’ ശുഭ്മൻ ഗില്ലും തമ്മിലുള്ള സൗഹൃദം കളിക്കളത്തിനകത്തും പുറത്തും എപ്പോഴും ആരാധകർ ആഘോഷിക്കാറുള്ള ഒന്നാണ്. കോഹ്‌ലിയെ തന്റെ മാർഗ്ഗദർശിയായും റോൾ മോഡലായും കാണുന്ന ഗിൽ, ഇപ്പോൾ കോഹ്‌ലിയുടെ മകൻ അകായ് കാരണമായി ഒരു പുതിയ റോളിലെത്തി സോഷ്യൽ മീഡിയയിൽ ചിരിപടർത്തുകയാണ്. അകായ്‌യുടെ ‘അങ്കിൾ’ ആയി ഗില്ലിനെ വിശേഷിപ്പിച്ചുകൊണ്ടുള്ള ഒരു ഇൻസ്റ്റാഗ്രാം റീലിൽ ശുഭ്മൻ ഗിൽ നേരിട്ടെത്തി കുറിച്ച രസകരമായ കമന്റാണ് ഇപ്പോൾ സമൂഹമാധ്യമങ്ങളിൽ വൈറലാകുന്നത്.
ഒരു കണ്ടെന്റ് ക്രിയേറ്റർ അകായ്‌യുടെ സ്കൂൾ ടീച്ചറായി അഭിനയിക്കുന്ന കോമഡി വീഡിയോയിലാണ് ഈ തമാശരംഗം ഉള്ളത്. ക്ലാസിലെ ചെറിയൊരു തെറ്റിന് ശിക്ഷയായി വിരാട് കോഹ്‌ലിയെയും അനുഷ്ക ശർമ്മയെയും സ്കൂളിലേക്ക് വിളിച്ച് കൊണ്ടുവരണമെന്ന് കുട്ടി അകായ്‌യോട് അധ്യാപിക കർശനമായി പറയുന്നതാണ് വീഡിയോയുടെ തുടക്കം. എന്നാൽ തൊട്ടുപിന്നാലെ നാണത്തോടെ അധ്യാപിക, കൂടെ ‘ഗിൽ അങ്കിളിനെ’ കൂടി കൂട്ടിക്കൊണ്ടുവരണമെന്ന് പറയുന്നിടത്താണ് വീഡിയോയിലെ ചിരിനിമിഷം.
വീഡിയോ ശ്രദ്ധയിൽപ്പെട്ട ഉടൻ തന്നെ കോഹ്‌ലിയെ ടാഗ് ചെയ്തുകൊണ്ട്, “ഭായ് പേടിക്കേണ്ട, ഞാൻ നോക്കിക്കോളാം” എന്നർത്ഥം വരുന്ന ‘bhai dw I gotchu’ എന്ന തകർപ്പൻ മറുപടിയുമായി ഗില്ലും രംഗത്തെത്തി. ഇതോടെ ഗില്ലിന്റെ ഈ തഗ്ഗ് കമന്റ് ഏറ്റെടുത്ത ക്രിക്കറ്റ് പ്രേമികൾ കമന്റ് ബോക്സ് മീമുകളും ചിരികളും കൊണ്ട് നിറച്ചു. മൈതാനത്തിന് പുറത്തും ഇരുതാരങ്ങളും തമ്മിലുള്ള ഊഷ്മളമായ സഹോദരബന്ധം ഒരിക്കൽക്കൂടി വെളിവാക്കുന്നതായിരുന്നു ഈ സംഭവം. വെസ്റ്റ് ഇൻഡീസിനെതിരായ മൂന്ന് മത്സരങ്ങളുടെ ഏകദിന പരമ്പരയ്ക്കായി സെപ്റ്റംബർ 27-ന് ഇരുവരും വീണ്ടും ഒന്നിച്ച് ഡ്രസ്സിംഗ് റൂമിലേക്ക് തിരിച്ചെത്താനിരിക്കെയാണ് ഈ രസകരമായ ഓൺലൈൻ സൗഹൃദക്കാഴ്ച ആരാധകരുടെ മനം കവരുന്നത്.
He ain't gonna reply Gill bro 😭 pic.twitter.com/rJsNktEJ6l
— Sohel. (@SohelVkf) September 3, 2026
