തിരുവനന്തപുരം: ഐ എസ് ആർ ഒ ചാരക്കേസ് ഗൂഢാലോചനയിൽ സി ബി ഐ എഫ് ഐ ആർ സമർപ്പിച്ചു. സിബി മാത്യൂസും ആര്.ബി. ശ്രീകുമാറും കെ.കെ.ജോഷ്വയും അടക്കമുള്ളവര് പ്രതികളാണ്. തിരുവനന്തപുരം ചീഫ് മജിസ്ട്രേറ്റ് കോടതിയിലാണ് സിബിഐ എഫ് ഐ ആർ സമർപ്പിച്ചിരിക്കുന്നത്.
കേരള പൊലീസ് ഉദ്യോഗസ്ഥർ, അന്നത്തെ ഐബി ഉദ്യോഗസ്ഥർ എന്നിവർ ഉൾപ്പെടെ 18 പേരെയാണ് കേസില് പ്രതി ചേര്ത്തിരിക്കുന്നത്. ചാരക്കേസില് നമ്പി നാരായണനെ അടക്കം പ്രതിയാക്കിയതിന്റെ ഗൂഢാലോചന സംബന്ധിച്ച് സി.ബി.ഐ. അന്വേഷണത്തിന് സുപ്രീം കോടതിയാണ് നിര്ദേശം നല്കിയത്. ഇതിന്റെ അടിസ്ഥാനത്തില് മേയ് മാസത്തില് സി.ബി.ഐ. കേസ് രജിസ്റ്റര് ചെയ്തിരുന്നു.
നമ്പി നാരായണന് അടക്കമുള്ളവരെ കേസില് ഉള്പ്പെടുത്തി എന്നാരോപിക്കപ്പെടുന്നവരുടെ കൃത്യമായ പട്ടിക തയാറാക്കിയാണ് എഫ്.ഐ.ആര്. രജിസ്റ്റര് ചെയ്തിരിക്കുന്നത്. അന്നത്തെ പേട്ട സിഐ ആയിരുന്ന എസ്. വിജയന് ഒന്നാം പ്രതിയും പേട്ട എസ്.ഐ. ആയിരുന്ന തമ്പി എസ്. ദുര്ഗാദത്ത് രണ്ടാം പ്രതിയുമാണ്. തിരുവനനന്തപുരം സിറ്റി പോലീസ് കമ്മീഷണറായിരുന്ന വി.ആര്. രാജീവനാണ് മൂന്നാം പ്രതി. സിബി മാത്യൂസ് നാലാം പ്രതിയും ഐബി ഡെപ്യൂട്ടി ഡയറക്ടറായിരുന്ന ആര്.ബി. ശ്രീകുമാര് ഏഴാം പ്രതിയുമാണ്.
നമ്പി നാരായണന് അടക്കമുള്ളവര്ക്കെതിരായ ചാരക്കേസ് കെട്ടിച്ചമച്ചതാണെന്ന് നേരത്തെ കേസ് അന്വേഷിച്ച സി.ബി.ഐ കണ്ടെത്തിയിരുന്നു. തുടര്ന്ന് നമ്പി നാരായണനെ കുറ്റവിമുക്തനാക്കിയിരുന്നു.
Discussion about this post