എത്രയോ വിക്കറ്റുകൾ വീഴ്ത്തിയിരിക്കുന്നു, അതിലേറ്റവും പ്രിയപ്പെട്ടത് ആ വിക്കറ്റ്; വെളിപ്പെടുത്തി സച്ചിൻ ടെൻഡുൽക്കർ

ക്രിക്കറ്റ് ചരിത്രത്തിലെ ഏറ്റവും മികച്ച ബാറ്റ്‌സ്മാൻമാരിൽ ഒരാളായിട്ടാണ് സച്ചിൻ ആഘോഷിക്കപ്പെടുന്നത്. പക്ഷേ അദ്ദേഹത്തിന്റെ ബൗളിംഗ് പലപ്പോഴും അദ്ദേഹത്തിന്റെ കളിയുടെ അവഗണിക്കപ്പെടുന്ന ഒരു ഭാഗമായി തുടരുന്നു. ഒരിക്കലും ഒരു മുൻനിര ബൗളറല്ലെങ്കിലും, സച്ചിന്റെ വൈദഗ്ദ്ധ്യം അദ്ദേഹത്തെ ഒരു വിലപ്പെട്ട പാർട്ട് ടൈം ഓപ്ഷനാക്കി മാറ്റി. മീഡിയം പേസ്, ഓഫ്-സ്പിൻ, ലെഗ്-സ്പിൻ എന്നിവ ഉൾപ്പടെ ആവനാഴിയിൽ പല അസ്ത്രങ്ങളും സച്ചിനുണ്ടായിരുന്നു. പലപ്പോഴും നിർണായക കൂട്ടുകെട്ടുകൾ തകർക്കാനോ പ്രധാന ബൗളർമാർക്ക് ആശ്വാസം നൽകാനോ അദ്ദേഹത്തിനായിട്ടുണ്ട്. ടെസ്റ്റിൽ, 200 മത്സരങ്ങളിൽ നിന്ന് സച്ചിൻ 46 വിക്കറ്റുകൾ വീഴ്ത്തിയിട്ടുണ്ട്. ടെസ്റ്റിലെ ഏറ്റവും മികച്ച പ്രകടനം 3/10 എന്ന കണക്കുകൾ ഒകെ കാണുന്ന ആർക്കും തോന്നാം ഇയാൾ ഒരു പ്രൊഫെഷണൽ ബോളർ ആണെന്ന്.

റെഡ്ഡിറ്റ് ആസ്ക് മി എനിതിംഗ് (എഎംഎ) സെഷനിൽ ഒരു ആരാധകൻ അദ്ദേഹത്തോട് ചോദിച്ചു: “ഹായ് സച്ചിൻ, നിങ്ങൾ ഇതുവരെ (ബൗൾ ചെയ്യുമ്പോൾ) എടുത്തതിൽ വച്ച് ഏറ്റവും ഇഷ്ടപ്പെട്ട വിക്കറ്റ് ഏതാണ്?” സച്ചിന്റെ ഉത്തരം ഇങ്ങനെ “മോയിൻ ഖാൻ… ദിവസത്തിലെ അവസാന പന്ത്.” 2004 ലെ മുൾട്ടാൻ ടെസ്റ്റിലാണ് ഈ വിക്കറ്റ് വീണത്, പ്രധാനമായും വീരേന്ദർ സെവാഗിന്റെ ചരിത്രപരമായ 309 റൺസ് നേട്ടമൊക്കെ പിറന്ന ഈ ടെസ്റ്റ് ആരും മറക്കാനിടയില്ല. ടെസ്റ്റിൽ ട്രിപ്പിൾ സെഞ്ച്വറി നേടിയ ആദ്യ ഇന്ത്യക്കാരനെന്ന ബഹുമതി അദ്ദേഹത്തിന് ലഭിച്ചു, കൂടാതെ അദ്ദേഹത്തിന് “മുൾട്ടാൻ കാ സുൽത്താൻ” എന്ന വിളിപ്പേരും ലഭിച്ചു.

സച്ചിൻ 194 റൺസിൽ നിന്ന സമയത്ത് അന്നത്തെ നായകൻ രാഹുൽ ദ്രാവിഡിന്റെ ഡിക്ലറേഷന്റെ വിവാദവും ആരും മറയ്ക്കാനിടയില്ല. ഇന്ത്യ 675/5 എന്ന സ്കോർ നേടിയ ശേഷം. ടീം ഡിക്ലെയർ ചെയ്യുന്നു. പിന്നെ പാകിസ്ഥാന്റെ 5 വിക്കറ്റുകൾ വീണ ശേഷം ദിവസത്തിന്റെ അവസാന ഓവർ എറിയാൻ നായകൻ സച്ചിന്റെ കൈയിൽ പന്തേൽപ്പിക്കുന്നു. ക്രീസിൽ നിൽകുന്നത് അബ്‌ദുൾ റസാഖും മോയിൻ ഖാനും ആയിരുന്നു

സമർത്ഥമായ രീതിയിൽ, റസാഖിന് സിംഗിൾ അടിക്കാൻ സച്ചിൻ മനഃപൂർവ്വം ഫീൽഡർമാരെ പിന്നോട്ട് തള്ളി, പരിഭ്രാന്തനായ മോയിൻ ഖാൻ സ്ട്രൈക്ക് നേരിടുമെന്ന് ഉറപ്പാക്കി. തുടർന്ന് നടന്നത് ബ്രില്ലിയൻസ് ആയിരുന്നു. സച്ചിൻ ഒരു മികച്ച ഗൂഗ്ലി എറിഞ്ഞു, അത് മോയിന്റെ പ്രതിരോധത്തിലൂടെ കയറി സ്റ്റമ്പിൽ ഇടിച്ചു. സ്തബ്ധനായി മോയിൻ മടങ്ങിയപ്പോൾ സച്ചിൻ വിക്കറ്റ് ആഘോഷിച്ചു. ഒടുവിൽ സന്ദർശകർ ഒരു ഇന്നിംഗ്സിനും 52 റൺസിനും ടെസ്റ്റ് വിജയിച്ചു, പക്ഷേ സച്ചിന് ആ ഒരൊറ്റ പുറത്താക്കൽ അദ്ദേഹത്തിന്റെ ഏറ്റവും പ്രിയപ്പെട്ട ബൗളിംഗ് നിമിഷങ്ങളിൽ ഒന്നായി തുടരുന്നു.