ഞങ്ങളുടെ ടീമിലും കോഹ്‌ലിയും രോഹിതും ചേരുന്ന ഒരു ഐറ്റമുണ്ട്, അവൻ യുവതാരങ്ങൾക്ക് മാതൃക; ടീമിന്റെ ബാറ്റിംഗ് പരിശീലകൻ പറയുന്നത് ഇങ്ങനെ

ദക്ഷിണാഫ്രിക്കൻ ബാറ്റിംഗ് പരിശീലകൻ ആഷ്‌വെൽ പ്രിൻസ്, ക്വിന്റൺ ഡി കോക്കിന്റെ അന്താരാഷ്ട്ര ക്രിക്കറ്റിലേക്കുള്ള തിരിച്ചുവരവ് ടീമിൽ വലിയ സ്വാധീനം ചെലുത്തി എന്നാണ്. ദക്ഷിണാഫ്രിക്കൻ ഡ്രസ്സിംഗ് റൂമിലെ ഡി കോക്കിന്റെ സാന്നിധ്യം വിരാട് കോഹ്‌ലിയുടെയും രോഹിത് ശർമ്മയുടെയും ഇന്ത്യൻ ക്യാമ്പിലെ സ്വാധീനത്തിന് സമാനമാണെന്ന് അദ്ദേഹം പറഞ്ഞു.

2023 ലെ ഏകദിന ലോകകപ്പിന് ശേഷം ഡി കോക്ക് ഏകദിന ക്രിക്കറ്റിൽ നിന്ന് വിരമിച്ചിരുന്നു. എന്നിരുന്നാലും, ഈ വർഷം സെപ്റ്റംബറിൽ അദ്ദേഹം തന്റെ തീരുമാനം മാറ്റി വിരമിക്കൽ തീരുമാനം മാറ്റുക ആയിരുന്നു. തുടർന്ന് ഒക്ടോബറിൽ പാകിസ്ഥാൻ പര്യടനത്തിനും നമീബിയയിൽ നടന്ന ഏക ടി20ക്കുമുള്ള ഏകദിന, ടി20 ടീമുകളിൽ ഉൾപ്പെടുത്തി. ഇന്ന് റാഞ്ചിയിൽ നടക്കുന്ന ആദ്യ ഏകദിനത്തിൽ ദക്ഷിണാഫ്രിക്ക ഇന്ത്യയെ നേരിടുമ്പോൾ അദ്ദേഹം കളിക്കളത്തിൽ ഉണ്ടാകും.

മത്സരത്തിന് തൊട്ടുമുമ്പ് നടന്ന പത്രസമ്മേളനത്തിൽ, ഡി കോക്കിന്റെ തിരിച്ചുവരവിനെക്കുറിച്ചുള്ള തന്റെ അഭിപ്രായങ്ങൾ പ്രിൻസ് പങ്കുവെച്ചു. അദ്ദേഹം അഭിപ്രായപ്പെട്ടു (Rediff.com വഴി)

“രോഹിത്തിനും വിരാടിനും ഇന്ത്യൻ ടീമിൽ ഉള്ള സ്വാധീനം തന്നെയാണ് ഡി കോക്കിനും ഉള്ളത്. പാകിസ്ഥാനിൽ അദ്ദേഹത്തിന്റെ മികവ് നമ്മൾ കണ്ടു. അദ്ദേഹത്തിന്റെ സാന്നിധ്യം വളരെ വലുതാണ്, പ്രത്യേകിച്ച് അദ്ദേഹത്തിൽ നിന്ന് പഠിക്കാൻ കഴിയുന്ന യുവ ബാറ്റ്സ്മാൻമാർക്ക്.”

പാകിസ്ഥാനിൽ നടന്ന മൂന്ന് മത്സരങ്ങളുള്ള ഏകദിന പരമ്പരയിൽ ഡി കോക്ക് പരമ്പരയിലെ താരമായി തിരഞ്ഞെടുക്കപ്പെട്ടു. മൂന്ന് ഇന്നിംഗ്‌സുകളിൽ നിന്ന്, ഒരു സെഞ്ചുറിയും രണ്ട് അർദ്ധസെഞ്ച്വറികളും ഉൾപ്പെടെ 119.50 ശരാശരിയിലും 91.92 സ്ട്രൈക്ക് റേറ്റിലും അദ്ദേഹം 239 റൺസ് നേടി.